مالك بقلبي اي ذكرى يا جارح

يا ما جرت القلب واحنا عذرناك
وياما تزعلنا ونرجع نسامح
ان كان حنا بحبنا لك بليناك
وضح ولا تجامل عشان المصالح
الله يشهد باننا قد هويناك
وفي وقت فرقاك سال الدمع فاضح
ياناكر العشره لو احنا جفيناك
ما يهمك ادري كل شيء صار واضح
طبعك تغير منت اللي عرفناك
ما عاد يأثر فيك لا نصح ناصح
خاين ... وغدار أصبحت ذي مزاياك
وحكيك أحد من السيوف الجوارح
شف يا عزيزي كلنا نقول بعناك
وعن حبك صرنا نصد ونكافح
بعت الوفا يالغادر احنا كرهناك
مالك بقلبي أي ذكرى يا جارح