••صُدْفَه جمعت مدلع وغجرية بـِ أبعاد الحقيقة••

سمعت صوت شيء جن جنوني عليه تركت ألم وركضت جري للحوش رحت للمُرجيحه جلست عليها وفتحت شعري ..خخخخخخخخخخ بس لو جيبت الشامبو كان خذيت شاور بماي المطر خخخخ تغير فيها شي.. صوت الرعد أرجفني من أعماقي خفت جريت لزاويه أحتمي فيها ؛ تذكرت أني ما صليت العشاء والحين الساعه 11 يعني لو مت بموت وانا ما صليت العشاء وضيعت وقتي على النت ..جلست استغفر ربي ؛ الخوف تملكني هزني من أعماقي تذكرت القبر وصلاتي الي كلها طقطقه أكتب للمنتدى بحب وأهملت صلاتي ؛ ليش أنا كذا ليش أدور على سعادتي الخاطئه ليش أدفن حياتي في المنتديات.. نسيت أهلي .. ما اجلس وياهم إلا وين و وين.. الواحد يونس عن نفسه في المنتديات بس ما يدفن عمره فيها لازم يرتب عمره ما بين دينه وأهله والمنتديات.. يالله شوفوا شلون صار النت صار شي مهم لازم كل يوم نزوره.. اوكي نزوره بس نزوره بعقل..أربع ساعات تكفي تردين وتقارئن.. لا لا أربع ساعات ما تكفي خليها ست. مممممم ايه ست ساعات تكفيني .. يادوب اضارب مع اختي الحبيبه ana alamal وننصح بعض ونرسل لبعض أهم المقالات الي مررنا بها ؛ بس أحلى شيء يوم ننصح بعض وعقب نقلب محشااااااااااات ؛ واحلى شيء يوم أقولها روحي قشري بصل أحسها لو بيدها تجي السعوديه وتخنقنقني.. لحظه أسمع شيء وهمس خلف سور الشير.. خفت لا يكون جني ..بسم الله الرحمن الرحيم.. رجولي غصب عني قادتني لهناك قلبي نزل في رجولي من الخوف.. آآآآآآآآآآآآآآآآآآآآآآآآآآآه شو الي أشوفه
ـ نعبو شكلك أنت وهي يالي ما تستحون على وجيهكم يالي ما تربيتوا شو تسون هنا يالخنازير يا قولالات الادب
ـ عمه ترى حرام الواحد يقول خنزير للثاني
ـ لا والله والي تسويه انت وهي حلال ما شاءالله عليكم
مسكت ريماس بقهر وهزيتها يمكن تفوق من الي هي فيه وصرخت وانا اقول لها
ـ انت شلون ترضين على نفسك المهان لاتقولين هذا ولد عمي وبيخاف علي هذا مهما كان ذئب بشري لو صدق يحبك ما كان غلط معاك
ـ عمه الله يصلحك والله ماغلط عليها هذه عرضي
ـ أيه باين عرضك لو أختك ليان سوت الي الهانم سوته مع البراء يرضيك هـ الشي
ظل ساكت ومنزل راسه
صرخت عليه : جاوبني يرضيك هـ الشيء
ما رد على سوالي وابعد وجهه عن نظرات ريماس الي كانت تناظره ومنتظره ايجابته
ـ شفتي ياهانم الي مسلمته عرضك ما يسمح لاخته بينما سمح لنفسه
ركضت ريماس جري للفله وظليت انا و غسان تحت زخات المطر
وما لقيت غير اني بحضن غسان ارجف خوف من صوت الرعد وتذكرت صلاتي الي نسيتها .. ابتعدت عن غسان يعني اني ما خفت من صوت الرعد.. بس وين ضرب الصوت ثاني وما لقيت غير اني ادعس 280 في الخط وما ينشاف غير غبار رجولي.. بس كيف تركب مطر وغبار سوري اقصد طرطشت الماي تحت اقدامي بس تعرفون مع الخوف الواحد تضيع علومه
...
...♦♦♦...
...

في مكان أخر اللون الرمادي سيده يحكي قصته
الرطوبه أكلت من جداره وأبوابه.. الثلاجه يزينها الصدأ باللون البني المُحْمِر .. البوتقاز تهالك يكاد أن يسقط.. الأواني الميلامينيه تأكلت أخفى الزمن صور الزهور المنقوشة على أطرافه ,, بصيص منها فقط يجد النور


\
/
\

آ
آ
آ
آه
أتوجع بها على حالي
في كل لحظه من يومي
أجدني أذوب أكثر
أشواقي أرسمها بريشة الأمل
في كراسة أخفيها بين حنايا روحي

\
/
\

ضفائري تنتظرك
لتعيديني للشاطئ
تسحب الشريطه منها
لتهرب
وأغضب
وأجدني أركض خلفك
ركبتي تحن لذالك الألم
تبحث عنكْ
لم أضع السكون هنا عبثا
فهي تصف سكون مشاعرك
وتأجج أشواقي

\
/
\

أتلوك
في أكياس السكر والأرز
ولا يكسرني
إلا ملامح أيامي
لـِ يلتمس الوجع أنين الصمت
داخلي

\
/
\

جعدت الورقة وضميتها لصدري بكيت انا مو مثل البنات انا مو مكتوب لي اني اتزوج مثلهن منو يفكر في وحده اخوها إرهابي و أبوها عزروه بالقصاص انا شو ذنبي ليش حرام عليكم يا ناس والله حرام ليش تعاملونا بذنب ابونا ..اخوي ما راح للفئه الضاله الا لما فتحوا له صدورهم وقبلوه بينهم ولا هو وين والكلام الي يقولنه وين
خرجت من المطبخالرمادي المتهالك.. سقفه يكاد أن يقع على رأسي.. رحت للمغسله فتحت البزبوز غسلت وجهي بس اليأس أجبرني على الجلوس.. جلست وانا ماسكه بالمغسله واحتك جسدي بالجدار المتصدع لينزع تلك الطبقه الرقيقه المتهالكه..
ـ عذاري وينك يمه تعالي شوفي البرنامج الي تحبينه جاء
وقفت وغسلت وجهي وأنا احس بالموت يعصرني آه يالقهر ليش ما اعيش مثل العالم ليش كل الناس تكرهنا ليش حُكِمنا بذنب غيرنا

يعزف الرمادي بألوانه ليسطر شهورٌ ثلاث مضت
ـ الله يلعنك يالنحيسه شوفي الشرطه تلاحقنا
خفت أحس بصدري راح ينفجر من كثر الضيق الي فيني
شفته فتح الباب ويحاول يدفني
ـ انت شو تسوي يا مجنون
كان يسبني ويبصق علي بأنواع السب والتجريح وما حسيت غير اني اتحذف من السياره تكركبت كركبه تألمت و ون ونت ودن دنت على أنواع الألم
حسيت بيد على كتفي وصوت من ألم الي فيني كان يكلمني من بعيــــد مافهمت شيء.. الخوف والألم مسيطرين علي ما في بالي غير اني اقول (انفضحتي يا عذاري الشرطه مسكتك وراح تحطك في الأحداث... آه وامي المسكينه هي الي راح تروح فيها ياولي أنا الي جبته لعمري)
ـ قومي بسرعه قبل الشرطه تقبض عليك
فهمت هـ الكلمه وراح عني كل الالم وقفت بسرعه.. وركبني السياره وحول وركب جمبي وحرك بسرعه..
ـ وين بيتكم لاجل أوصلك
ـ أنا شارده من المدرسه ردني للمدرسه
ـ المدرسه راح تفضحك يالخبله
ـ اعرف بس راح انتظر بالشارع لين الصرفه
ـ بل ست ساعات تقعدين فيها في هـ الحر والرطوبه انت خبله
ـ أجل تباني اروح البيت لاجل أمي تذبحني
ـ دام انك تعرفين ورا فعايلك ذبح ليش تخريجن وتشوهين سمعتك.. ولااا بعدين يلومون الشباب ..إذا انتن ما خفتن على أعماركن شلون تبون الشباب يصنون انفسهم
ـ اقول تسكت ولا قسم بعطيك بكس يعدل لسانك
ـ نعبو شكلك هذا وأنا ساتر عليك كذا تعامليني تعرفين شلون بسلمك للشرطه بيدي
مالقيت عمري غير اني ابوس يده وهو يسحبها
ـ تكفى والي يرحم والدينك استرني والي يرحم امك وابوك استرني
ـ يا بنت الناس اتركي يديني
ـ لا ما بفكها لين توعدني انك تستر علي
ـ خلاص يابنت الحلال ما راح اوديك بس اتركيني
تركته وجلست على المقعد وانا اناظره.. ما أعرف أنا شو بالنسبه له.. بس إلي اعرفه اني إنسانه.. إنسانه تبى تعيش مثل العالم تبى تاكل مثل العالم.. اكتفيت من الجوع والحرمان.. أنا انسانه اظل لين صاحبت السندوتشه تقوم لأجل اخذها و أوديها لاهلي.. أنا انسانه يا ناس ادور شي يسد جوع أهلي.. قطع علي افكاري صوت هـ النشمي
ـ وين تبين تروحين الحين
ـ المدرسه
ـ انزين شرايك اوديك المستشفى
صرخت باعتراض: لا لا لا لا
ـ يا بنت الحلال ضروري تروحين المستشفى يمكن صابك نزيف ولا كسر
ـ لا مافيني شي انا بخير
اعترضت لاني أخاف الفضائح
فجئه رن جواله ورد.. ناظرني وقال
ـ لا تتكلمين فاهمه
حركت راسي بايه
ـ هلا بوحميد .. ها لا مني حاضر عندي ظرف طارئ يالله باخذ المحاضرات منك... فمان الله
سالته يوم شفته نزل الجوال
ـ راح تغيب عن محاضراتك
ـ مضطر
ـ ليش
ـ شنو ليش وين تبين احطك في هـالشمس
ـ حطني عند المدرسه وانا بتصرف
ـ اقول سكتي والي يرحمك تراني واصل حدي فسكتي رجاءً

...
...~~~...
...


أنا اليوم مذبوحه مذبوحه يا على يد عمتي ولا على يد هـ الدب ولا على يد بابا.. الله يستر .. المكان مظلم وحاسه اني راح اختنق حسيت بشي عند رجولي رفعت وحده منهن ماني عارفه شو المجله الي مخبيها هـ الدب هنا شو اشوف في هـ الظلام.. فتحت باب الدولاب شوي اشوف هـ الدرامه موجود ولا ظهر.. لمحت المجله.. شف الحقير يشتري مجلة الحلول ويجي يتفلسف علي انه هو الي حل اللعبه.. وأنا الخبله مصدقته انه هو الي يحل الألغاز.. لكن هين يا بربر ان ما فضحتك ما أكون انا رغد

أثير: البراء شفت رغد الحيوانه
البراء: لا ماشفتها شلي يدخلها حجرتي
أثير: والله لا أذبحها انا اراويها

‘رغد‘ .. بل راح تذبحني عمتي الله يستر ياويلي بس تستاهل أحد قالها تطردني من حجرتها بهذيك الطريقه حتى ما سألت عني تشوفني تعورت ولا أصبت ولا انجرحت ما كانها نفس المعنى المهم انها ما شافت اصاباتي .. وبعدين دام هـ الدب في حجرته شكلي بطول في الدولاب..خلوني اعرفكم على هـ الشخصيتين..
أثير عمتي عمرها 28 سنه تصير أخت بابا من جدي الله يرحمه..وهي جميله ورقيقه بس قدام الناس اما في البيت ابو الرقه تطلع الكل يخاف منها ومحط لها قدر أكبر من حجمها بسبب جدتي.. بس تبون الصدق الكل يكرها في قلبه ويدعي عليها ما تحب غير نفسها واذا حد من اعمامي غلط عليها فجدتي هي الي تدافع عنها لأجل كذا هم مضطرين يسمعون كلامها لأجل جدتي وطبعا أمها مب راضيه على أفعال بنتها .. وأنا عن نفسي ما أحبها واكرها ودوم أعابطها ودوم انضرب منها ومن بابا بسبب فعايلها الي تقهر.. على بالها خدم عندها اصلا عناااااااااد فيها اوسخ البيت وما اشيل شي الخدم شو فايدتهم مو عاجبها الحال تخدم هي ولا تحسب نفسها حظرت الجلاله وحنا ما ندري..
ـ كح كح
ردتني هالكحه للدولاب بعرفكم عن صاحب الكحه اسمه البراء هو ولد عمي عبدالله مدلع لابعد الحدود وحيد امه وأبوه عمره 18 سنه طالع ثانويه عامه على كثر غبائه الا انه الاول على المنطقة اهيب عليه ما ادري شلون يفهم انا اعرف الاولاد يجون كساله بس هذا دافور ياكل الكتب اكل مو مثلي انجح بالدور الثاني بس الحمدلله السنه هذه نجحت بدون دور ثاني عاااد تخرج يالله ودعنا الابتدائي الله يستر من المتوسطه حييييييييييييييل ما يمدحونها يقولن عليها أصعب مرحله ... اف انا دروس الأطفال ما مشيت فيها يبوني اخذ الكفائه بس انتم سوو دعاء
نسيت أخبركم أنا عمري 12 سنه بس قريب ادخل الثلاتعش
يالله تعبت وانا في الدولاب بس عمتي موجوده تلعب سوني مع بربر الله يقلعهم ثنيناتهم انا شلي دخلني هنا.. تبون تعرفون شلي سويته فيها.. الله يسلمكم من طردتني وانا افكر فيها بمقلب محترم يرد لي اعتباري الي اهدر
ـ يقولون عندي عمه اسمها أثير
ـ انقلعي عن وجهي ترى مو ناقصتك
ـ اممم شفيك من دخلتي وانت حالك ما يسر لا يكون شفتي جني
ـ رغد انطمي
ـ الكلام حريه شخصيه ولا بعلم عليك امريكا تمنعيني عن الكلام
ـ انزين عندك الجدار يمدحونه
ـ لا خليت الجدار لك
ـ رغد ابعدي عني ترى بتشوفين شي مايسرك
ـ وريني هـ الشي الي ما يسر هو احد اصلا يشوف منك شي يسر انت عايشه للنت ولعملك ولصحباتك
ـ وانت راسك متروس تبن
ـ طالعه لعمتي
ـ ....
غريبه ما ردت علي شكلها حييييييييل معصبه العاده كلمتين واشوفها طاردتني من حجرتها بس غريبه الحين .. لا هي جالسه قدام النت ولا جالسه على التلفون.. جالسه تناظر السقف يمكن حولت حديثها للسقف.. ناظرت محل ما تناظر مافي شي جديد فيبر ولمبات يمكن تعد اللمبات ناظرت عيونها ثابته شكلها تفكر في شي تقدمه لي اخواتها من حليب النت.. والله البنت مسرحه شكلها تحب.. ويييييي هذه تعرف تحب هذه تعرف تضارب تعرف تشتكي علينا تعرف تغث.. اما الحب هذا اخر شي تعرفه..
ـ عمه انت تحبين
قلت كلمتي وشردت بس مالحقتني.. رديت لها ولقيتها مثل ما هي سرحانه الأخت.. يمكن صدق تحب.. الله يكون بعونه الي تحبه.. بس ابد الفكره مو راكبه على راسي لانها ممكن تكون ما سمعتني
ـ عمتي الغبيه
قلتها وانا مستعده للهرب.. بس لا والله مثل ما هي.. شلي يدور براسها هـ الخبيثه.. اكيد في شي كايد شاغلها.. جريت لها ونطيت على السرير وانا اصارخ وشردت لانها انفجعت وعلى بال ما تسوعب تلاقيني وصلت للدرجه الاخيره.. وجري على الصاله واندسيت ورى خالي.. وهي ورايا وما لاحظت اني خلف خالي.. وتقربت مني تضربني وخالي بالنص مو عارف شو الموضوع وماما أكتمت أنفاسها من غرابة الموقف وبابا معصب لانه اختها تضاربني وخبطه لي وخبطه لخالي
عادل: أثير اطلعي حجرتك
أثير: انت ليش تصرخ شوف بنتك الحيوانه هي الي تحرشت فيني
مسك بابا عمتي أثير وأبعدها وهي مصره الا تضربني
ـ انت تدافع عليها لأنها بنتك بس والله لا تنضرب
ـ أثير أطلعي لحجرتك
ناظرتني بقهر وأنا أأشر على خالي لاجل تنتبه له.. بس الغباء مسيطر عليها.. وسمعت صرخه مكتومه لها وشفتها تحط يدها على فمها وجري على فوق.. وانا حطيت رجولي قبل يصيدوني الي هنا وجري على بيت عمي عبدالله واندسيت هنا

...~~~...
في مكان هادئ جدا يقتله الهدوء.. الأبيض يصف حال ساكنه.. الماضي ينبش في عقله.. صوت الأبواق يصدى في مخيلته.. لا يرى سوى السواد والحمره واشارت المرور وشاحنه في ثواني تواجد تحتها.. ابتسامات يقرائها في ملف داخل مخيلته.. ودعوه تطارده مدى الأزمان(الله لا يردك سالم).. اغمض عينيه بألم..لا أحد يزوره سوها.. هي من كانت السبب.. وهي من تزوره.. رُميَ هنا على سريره الأبيض وكأنه نكره لا مكان له.. لا حياة له.. عشر سنوات وهو على حاله لا يستطيع تحريك جسده عينيه فقط هي من تتحرك.. لم يسجد لله يوما والآن أصبح الاستغفار ملازمه.. ابتسم يشعر براحه رغم الحزن والوحده.. حفظ كتاب الله بعد ان كان كافرا.. نعم ما الفرق بين المسلم والكافر..الصلاة.. الصلاة.. الصلاة.. وكم يتمنى أن يعود لذالك الشاب السليم لثواني معدوده.. ليسجد لله ثم يعود كم هو عليه.. يتمنى السجود بعد أن كان سليم.. يتمنى السجود لله.. نعم السجود هي امنيته الوحيدة في هذه الحياة.. لا يعلم هل يشكرها لانها السبب.. أم يقبلها.. لم يرها اليوم.. مالذي يمنعها.. هل أصابها مكروه.. بترت أفكاره بدخول الممرض.. أغمض عينه فقد حان وقت غياره.. لم يكن يشكر الله على هذه النعمه.. يدخل ويخرج من الخلاء هكذا.. لم يحضر في باله يوماً.. أن يعريه غيره وأن ينظفه غيره.. حمدلله يرددها في سره فهو افضل من غيره.. يحظى على عنايه خاصه.. بل ويحبونه وأصبح الداعيه هنا بعد أن كان زعيم شلت الفساد هناك بين الأصِحاء..
هذا هو أمجد عمره 30 سنه.. شو قصته ومن الي تزوره.. اتمنى أنكم ما تقسون عليه بردود افعالكم..
...~~~...

"رغد"

صحيت من النوم ولقيت عمري في مكان مظلم.. تذكرت اني في الدولاب.. فتحت الباب وشفت البراء نايم.. اخذت بعضي وظهرت.. ومن فتحت باب الحجره شفت عمتي غاليه (أم البراء) قدامي
أم البراء: رغد شو تسوين بحجرة البراء
وما لحقت افتح فمي الا وهي تسحبني وتدخلني الحجره ثاني
ام البراء: أنتوا شو سويتوا حسبي الله على ابليسكم
مافهمت شيء اذا فهمتوا خبروني.. ورمتني على الأرض و راحت للبراء وصارت تضرب فيه وهو نايم وتصارخ عليه: حسبي الله عليك من ولد شو الي سويته في عرضك الله لا يبارك فيك
البراء فتح عيونه وهو مو فاهم شي: يمه شو تقولين
ام البراء: يا فضيحتك ياغاليه وردت تضرب في البراء وهو مثل الاطرش في الزفه مب فهم شي

كنت اناظر عمتي وهي تضرب البراء لين شكيت انه سوى فيني شي مثل ما تقول عمتي بس في الحقيقه والواقع أنا مني فاهمه شي.. كل الي اعرفه الحين اني خايفه وراح اموت من الخوف.. بس حسيت انه عقاب من ربي لاني دخلت عمتي على خالي وصلحت فيها المقلب.. وشفت عمي عبدالله(ابو البراء) داخل على صراخ عمتي وما لقيت غير اني احط رجولي وما ينشاف غير غباري لانه عمي بعد صار يضرب في البراء..
...
...~~~...
...
خرجت من الدوام.. العالم كله مأجزه وانا بعدني ادوم.. يالله الحمدالله على كل حال..
ـ أسير يا بنتي مش عيزه تروحي لـِ امقد
ـ إلا ليش تسال
ـ مش عارف ألت لنفسي ممكن مليتي من امقد
ـ الله يسامحك يا عم محمد
ـ ودي انصحك بس أعرف انك مش حتسمعي كلامي
ـ تعرف يا عم محمد أنا شايله هم أنك ترد مصر وتتركني بحالي انا ما اثق في احد يكتم السر غيرك
ـ ومن أل اني بروح مصر واتركيك لا يا بنتي أنا من يوم ما اتولدتي وانا بشيلك على أكتافي وبحرص عليكي لا لا شيلي الفكره ديه من بالك.. تعرفي يا أسير ساعات اللحم يكون قساي.. وأنا وانتي بنمر بنفس الظروف. أنا قيت اشتغل هنا سواق لاجل ولادي يكملوا تعليمهم في احسن المدارس واعيشهم احسن عيشه.. بالاخير نولت منهم ايش.. رفضوني واستعاروا مني لم كبروا واصبحوا استزه أد ادنيا..
وصلنا المستشفى وقفل العم محمد حواره الي كل يوم اسمعه.. هو يقولها من حرقه في نفسه.. اكيد عرفتوا شو ألمه.. العم محمد سائق لنا وامين وكاتم اسرار وعم وعزيزي وغالي على قلبي.. ما اتوقع يجي اليوم واشوفه غير موجود بحياتي.. وهو عمره 60 سنه الله يعطيه طولت العمر.. نزلت من السياره.. وانا افكر في امجد ما زرته لي يومين لأنه حالتي النفسية ما تسمح وخفت عليه من حزني وألمي يكفي الي هو فيه..
أمجد بعد الحادث الي صار له كان يرفض شوفتي حتى في اوقات كان يتفل علي فيها ..بس ظليت وراه وراه لين كسبته في صفي.. اعرف اني سبب الحادث الي صار له.. ابوه دعاء عليه بسببي.. رمى امه بالصندل لانها كانت تضربني.. وصلت للحجره فتحت الباب ودخلت.. شفته نايم.. دخلت بهدوء.. وقفت جمبه ظليت اناظره تقربت منه وبوست راسه
ـ انت جيتي
قالها وهو بفتح عيونه
ـ هلا حبيبي شلونك اليوم إن شاءالله افضل
ـ انت وينك ليش هجرتيني اليومين الي طافت
ـ امجد حبيبي والي يسلم عمرك انا ما اغيب عنك الا اذا كنت تعبانه وانت تعرف هـ الشيء
ـ اشتقتلك أثير تعرفين انتي شي كبير في حياتي
ـ يا ربي احرجتني حتى شوف خدودي ولعن من الخجل
ـ هههههههههههه انت تعرفين الخجل يا ماما روحي اضحكي على غيري
ـ انا مخصماك متكلمنيش
ـ صح اشلون عم محمد
ـ الحمدلله بخير وبس اظهر من عندك بيدخل يسلم عليك
ـ أثير اليوم انهيت استماع الكاسيت الخاص بالمجلد الحادي عشره للفتاوي العلامه الشيخ عبدالعزيز بن باز وين الكسيتات الخاصه بالمجلد الثاني عشره
ـ هو مافي للحين المجلد الثاني عشره او احتمال طلبته ما بعد جمعوا فتاويه لاجل يضمونها بس اعتقد الثاني عشره هو اخر مجلد راح يكون
ـ يالله روعه الشيخ بن باز الله يرحمه .. والله يجمعنا فيه تحت عرشه يوم لا ظل إلا ظله
ـ اللهم آمين
ـ تعرفين ما كنت اعرف عن الشيخ بن باز غير انه مفتي عام المملكة والحين احفظ كل كلمه قاله في مجلده.. يالله يا مقلب القلوب ثبت قلبي على دينك.. تعرفين أثير انت اروع انسانه في حياتي.. حتى الذنب الي اذنبته في حق امي بسببك حسيته نعمه من رب العالمين
خفت وصرخت: لا حبيبي لا هذه ماماتك مهما كان.. استغفر ربك..
ـ انت تعرفين انها ما تبى تشوف رقعت وجهي تعرفين كل شي دار بعد الحادث وعلى شوفتك في ام تترك ولدها عشر سنوات وما تسال عنه
نزلت دمعه خانته وهو يعود بافكاره لعشر سنوات سابقه
أم أمجد: انت شوف وجهك لونه صاير اسود الله لا يقومك بالسلامه أنا امك تحذفني بالصندل لاجل الحشره اثير
أثير: امجد حبيبي ليش هـالدموع الحين
فتح عيونه وتقربت منه ومسحت دموعه بأصابعي
ـ امسحيلي خشمي الله لا يهينك
مسكت طرف اكمام العبايه ومديت يدي وعقب ومررتها على خشمه وانا ابتسم.. هو كان يقصد اني امسحها بالمنديل فحبيت اعمل تغير واذكره بالماضي
ـ تذكر لما كانوا ينادوك العيال مربى لانه خشمك على طول يسيل وانت على طول هذه حركتك وع وع ارف تعرف انا للحين ما اكل المربى وانت السبب
ـ ههههههههههههه الله يرجك بعدك تذكرين
ـ هههههههههه
...~~~...
::غسان:: مسكت جوالي وتجرأت واتصلت على ريماس من بعد ما كفشتنا عمتي انقطعت العلاقه.. بس هي فرصه اننا نتزوج الحين دام بيزوجون الخبلان البراء ورغد
اتصلت واتصلت والبنت ما ترد كتبت لها مسج وارسلته ودقايق والرد وصل بالموافقه.. ابتسمت وبوست الجوال.. ورحت سيده للوالده
ـ يا مرحبا بالغاليه يا مرحبا بالنور كله
ابتسمت احلام (أم غسان): هلا حبيبي
تقرب من امه وباس راسها ويدها
احلام: اقول شكله في موال براسك
غسان: هههههههههه دوم اقول عنك انك فهيمه تلقطينها وهي طايره
احلام: يالله نورني
غسان: ابد الغاليه.. وابتسم بخجل.. احم احم ..يعني ودي اعرس
احلام: ههههه شكله البراء لعب براسك
غسان: يمه ترى سالفة البراء ورغد مو مهضومه السالفه شكلها كايده
أحلام: تعرفهم اهل ابوك ما يقولون الصدق هذه عوايدهم ما أقول غير مالت على حظي يوم اني طحت على هـ العائله
غسان: يمه الله يهديك ترى هذيل اهلنا واحبابنا
أحلام: دخيلك كثر منها قال شو قال احبابنا.. أصلا هذيل ما وراهم إلا المشاكل
ـ منو الي ما وراهم إلا المشاكل
ارتبكت احلام يوم سمعت حس زوجها
وانقذها غسان من الموقف: منو بعد اصحاب السوء
محمد(ابو غسان): يا وليدي اتركك منهم تراهم رأس البلاء حسبي الله عليهم
غسان: ولأجل كذا قررت اني اعرس
محمد: والله زين العقل
أحلام: وانا بزوجك بنت خالتك أدب وجمال ودين
غسان: تكفين إلا بنات خالتي ترى أعرف شيفهن كل وحده أنحس من الثانيه
ضحك محمد وعصبت أحلام
محمد: خلاص شرايك ببنت عمك عادل
غسان: هذا الي ابيه
وقفت أحلام وهي معصبه: ايه اتفقتوا وجيتوا تحطوني بالمدفع
محمد: أي اتفقنا الله يهديك أنا رميتها كذا وبعدين ريماس تعرفينها أدب وأخلاق والأهم من كذا انها تحبك وتحبينها دون عن خواتها
غسان وهو يبوس راس امه: يالله يمه الله يهديك ترى والله لا متفقين ولا شي ابوي رمى واصاب المرمى

سمعت نقاشهم وردت حجرتي.. جلست على السرير وأنا ابتسم أخيرا بتحرر من رقابة غسان.. راح يتزوج ويفكني من شره..
سمعت غسان يناديني فنزلت السماعه من إذني لاني أعرف أنه ما يناديني إلا ويبى مني طلب
مالحقت أدس السماعه الي وهو يدخل علي الحجره فطاحت مني السماعة تحت السرير وهو ما انتبه
غسان: تعالي سوي شاي بسرعه
أشرت له وأنا اقول: ما أسمع شو تقول
غسان وهو يناظر لأذني: الله يأخذك وأفتك منك وين سماعتك
ـ أشرلي لاجل افهم شو تقول
أشرلي غسان على اذنه وهو يقول: السماعه وينها
ـ ممم ما ادري دخلت اخذ شاور ونسيت وين حطيتها
ـ أقول مالت على وجهك سديتي نفسي
ظهر غسان وابتسمت .. أنا افهم لغة الشفايف سبحان الله .. الله ما رزقني السمع بس رزقني لغة تدرس في ارقى الجامعات وهي ترجمت لغة الشفايف وتخطي الأثر.. محد يعرف عني هـ الشيء خليته سر في حياتي ودوم أمارسه لاجل أقوي مهاراتي فيه
::لحظات تعريف::
عائلة محمد(أبو غسان)::عمره 50 .. ترتيبه الثاني من بين اخوانه مدرس .. نقد نقول عليه انه مستور الحال
أحلام:: زوجته عمرها 45
غسان:: عمره 25 مهندس حاسبات شغال في شركة الكهرباء
ليان:: عمرها 20 فاقده لحاسة السمع تدرس في الجامعه قسم أحياء
...~~~...

 الــ ج ـــزء الثاني




جلست ريماس وهي مصدومه.. دموعها هي الي تعبر عن دواخلها.. لا قالها أبوها واقتنعت فيها وهي مجبوره.. هي وغسان حاملين لنفس المرض..
ـ لا لا ما اريد عيالي تكون فيهم إعاقه خواتي بيضحكون علي.. غسان كان دوم ينادي اخته بالطرشه هو السبب الله بلانا وحرمنا من بعض
لبنه: ريماس حبيبي انت شو تقولين الله ما كتب لكم تكونون لبعض
تكلمت ريماس من بين ألمها وحزنها وعشقها: ماما انا احب غسان واريده.. بس ما اريد اجيب عيال منه
الجده وهي معصبه: ريماس شو هـ الكلام الي تقولينه احمدي ربك انه العلم تطور ولا كان تزوجتي وجبتي عيال معاقين.. هذا وانت المتعلمه الفاهمه تقولين كذا اجل الي مهي بمتعلمه شو تقول.. حمدي ربك والله بيعوضك خير




"أثير"..[ كنت جالسه استمع لهذيان هـ الخبله وللأسف ريماس فضحة عمرها بنفسها.. بس الظاهر محد انتبهلها لانهم واثقين فيها.. البنت الكبيره العاقله الي تسمع كلامهم.. شلون يتوقعون منها أنه لها علاقه مع غسان..كرهت عمري يوم قررت أدخل عمري فيهم كنت مرتاحه بعالمي الخاص.. أول ما دخلت بينهم شفت بلاويهم.. رغد المفعوصه وغلطت مع البراء.. الله يالبراء شلون صدمتني أبد ما توقعتك من هـ النوع.. كنت أشوف معنى اسمك في ملامح وجهك.. يالله شلون الدنيا غداره.. وجهت نظري لـِ ريناد .. وانت يا ريناد شو ورى سكوتك وعزلتك .. أنا شعلي فيهم.. ليش أسال عنهم وهم ما يسألون عني بحريقه.. تركتهم وطلعت حجرتي]


مها [أم أثير.. عمرها40]: يمه ريماس بسك قطعتي عمرك من الصياح
ريماس وهي تشهق: ليش ليش حنا الي طعلنا حاملين للمارض.. وشلون رغد والبراء ما طلع فيهم شي ..ماما يمكن غلطانيين خلونا نعيد التحليل
الجده وهي معصبه: إذكري ربك بتنظرين اختك هذا بدل ما تفرحين لها ولا كان الحين انفضحنا بين العرب .. وبعدين إذا تبينه أنا بكلم أبوك بس لا تقولين أهلي ما نصحوني أهلي ما يحبوني ..سمعيني وأنا جدتك ترى الرجال مايحب الحرمه إلا بعيالها شوفي جدك ما تزوج علي إلا لما شالولي الرحم هذا وأنا منجبه له خمس أولاد ..خذيه يابنيتي مني ولا تقولين أهلي ما نصحوني.. لو أنه الاعاقه بتكون مثل ليان كان أنا اول وحده وافقت وباركت لك بس عيالك إذا جوا بيكونون مثل عيال إقبال بن هلال شفتي ولده الي عمره 30 الي يشوفه يقول عنه عمره تسع سنوات
ريناد: بس احتمال يجون سليمين
أم ريماس: ريناد سكتي ما نبي نسمع احتمالاتك
ريناد: كيفكم بس قلت اشرح لكم
أم ريماس بنرفزه: خلي شرحك لعمرك
ريناد وهي معصبه: أصلا أنا الغلطانه الي متعبه عمري فيكم بروح حجرتي افضلي
أم ريماس وهي معصبه: هذا الي فالحه فيه كل كلمه نقولها تزعلين وتندسين في حجرتك
الجده وهي تكلم أم ريماس: الحين البنت في شو غلطت تهوجين عليها خلها براحتها تشرح.. جلسي يمه معليك في امك




...~~~...




[جلست بحجرتي وأنا قمه في حزني واندهاشي.. شلي سويته لأجل يعاقبوني كل هـ العقاب .. الحين أنا ما يزوجوني غير هـ الإنسان الي وجهه كله خدود وع وع أرف.. حتى شفايفه ما تبان من متنه .. لا ما ابيه أنا اريد صالح.. حلو ونحيف وطويل واسمراني ويلبس جنز وتشيرت وكت ويطول شعره.. آآآآه ليتني نمت عنده كان الحين زوجونا لبعض.. ما أقول غير مالت على حظي.. كل من هـ العمه عساها البلاء..وقفت وفتحت درج الأحذيه [وانتوا بكرامه] وأخذت لي كم فرده وفتحت باب حجرتي ووقفت عند بابي لاجل اسكره بسرعه.. قبالي على طول حجرة عمتي.. رميت الفرده الأولى وما ظهرت ورميت الفرده الثانيه وماظهرت ورميت الثالثه بقوة ماعندي وماظهرت.. خفت أروح ادق الباب وتصيدني .. فرميت الرابعه بأقوى ما أملك.. وما حسيت غير بشي يسحبني.. رفعت عيوني وشفتها وطاح قلبي في رجولي..طلعت مهي بحجرتها ليش أنا حظي ردي وياها
أثير: أنت شو فراسك أريد أعرف أحد مصلتك علي انتِ
ـ أسفه والله أسفه والله ما كنت أقصد
ـ لا والله شايفتني غبيه ولا هبله
ـ والله أسفه والله أسفه وهذه راسك أبوسها توبه والله ما اعيدها ..ومسكت اذني وقلت.. والله ما أتعرض لك وعد
ـ بسامحك هـ المره يكفي الضرب الي أخذيته من أمك بس لو شفتك واقفه قدام بابي بقص أذانيك فاهمه
حركت راسي بايه.. ودفتني داخل حجرتي وسكرت الباب علي.. أعوذ بالله.. البنت هذا يا عليها حظ بــلّ كل ما جيت اسويبها شي ينقلب علي.. جنيه أعوذ بالله منها..وأنا مثل الخبله ما أتوب إلااا اتعرض لها..




...~~~...




دخلت الخيط بالإبرة وبدية أخيط ترنق عابد ..ورجعت بذاكرتي لذاك اليوم الي اعتبره حلم
ـ شو تبين فطور
ناظرت السيارة مبين عليها جديدة وأي واحد يملك سيارة معناته عنده فلوس بس هو مب موظف.. يمكن أهله أغنياء.. كل هـ الأسئلة كانت تدور براسي أحس اني بعالم غريب أحس اني في حلم.. حلمت اني زوجته واني أتمشى وياها الحين
ـ هيييي شفيك
ـ هااا
ـ اشفيك تعبانه
ـ لا
ـ أجل شفيك صار لي سنه وأنا اكلمك
ـ خير أنت شو تريد.. [قلتها بنرفزه أحس أني زعلانه لانه قطع علي حلمي]
ـ لا أبد سلامتك عمتي .... هيييي لا تنافخين علي ترى ما اشتغل عندك
ـ أعوذ بالله وأنا شو قلت الحين أوفــــ
ـ لا دخيلك يالشيخه تعالي اضربيني لا لا تعالي اضربيني احسن
ـ لا حول ولا قوة إلا بالله الحين أنا قلت شي ولا جبت سيرت الضرب
ـ لا والله لك عين بعد تبين تجيبين سيره
ـ أقول ردني للمدرسه
ـ مني برادك مو انتي كنتي بتلعبين مع شاب قبلي خلاص اعتبريني أنا هذاك الشاب
صدمني ابد ما توقعت انه كذا.. بس دام انه من نفس النوعيه وشكله له معارف كثر قبلي فلازم أوافق بس بشروطي..
ـ عذاري يمه تعالي اقتلي الوزغه الي هني لا يروح للمطبخ
ـ حاضر يمه
تركت ترنق عابد ووقفت




...~~~...




أحلام: لأني مني براضية على الموضوع فربي ما تمملك
غسان: يمه والي يسلم عمرك ترى مني بناقص
أحلام: اشفيها بنت خالتك والله
قاطعها غسان بعصبيه: الله ياخذها هي وامها لاعد تجيبلي سيرتها ترى بذبحها
أحلام: غسان ترى ما اسمحلك تغلط على اختي
غسان: وانت شلون تسمحين لعمرك وتغلطين على اهل ابوي
أحلام: أنت تقولي هالكلام
غسان وهو يوقف: اف انا الغلطان الي جالس عندك
أحلام: روح الله لا يردك
لف غسان وهو معصب: كملي ليش سكتي بس اتمنى لو بتدعين علي تقولين الله ياخذ روحك لاجل ما اتعذب في الدنيا
أحلام وهي معصبه: غسان ابعد عني لا تطلعني عن طوري
غسان: قوليها ليش خايفه حذفته امه بعلبة المنديل وهي تقول: انقلع عن وجهي
خذ غسان جواله وطلع من البيت

[ ما أعرف هل أحزن ولا أضحك ولا أتشمت.. بس لاااا مب أنا الي أتشمت على غيري.. بس هذا جزاء لكل من يتشمت بغيره.. الله يهديك يا غسان وينسيك ريماس.. بديتوا بغلط وانتهت بماسه.. بس أنا المتضررة الوحيدة.. بيقعد غسان على قلبي المشكله أنه]
ـ ليان .. ليـــــــان وصمغ إن شاءالله
ركضت لأمي: نعم يمه
أحلام: وينك صار لي ساعه اناديك
ليان: كنت جالسه اغسل براد الشاي
أحلام: انزين روحي كوي لي الجيب كلوت الأزرق والبلوزه البيضاء
ليان: إن شاءالله يمه
[تركت امي وانا ابتسم ترى الوالدة ما كانت تعرف لمصطلحات اللبس..بس هي تبى تسوي مثل أهل ابوي.. وأنا علمتها لأجل تكون في الصورة إذا تكلموا عن شي .. الله يهديها تكره أهل ابوي.. محد فيهم ورث شي جدي مات وهو مطنفر مافي جيبه ريال.. مُآذن في مسجد راتبه 2000 ريال ومتزوج ثنتين والبيت إيجار والله المستعان.. بس أعمامي كلهم مستواهم راقي وعايشين في أحياء راقيه.. وهذا نصيبنا]




...~~~...




دخلت وشفته يناظر للسقف
ـ السلام عليكم ورحمة الله وبركاته
ـ وعليكم السلام ورحمة الله وبركاته
بوست راسها وأنا اقول: شلونك حبيبي اليوم
ـ أنا بخير دام انت بخير
ـ ياربي ترى أنا استحي لا تتغزل فيني
ـ ههههههههه وين ما اشوف اني تغزلت يا ماما انت تتوهمين وماخذه مقلب في عمرك
ـ امجد لا تحاول اعرف انك تمووووووووت فيني ولا تحاول تكذب
ـ ههههههه خلاص احبك واموت فيك تعالي ليش تأخرتي اليوم
ـ زحمة الطريق يالله ياني جايبه لك أشرطه تهبل
ـ سمعتيها
ـ لا
ـ الله يصلحك قولي آمين
ـ آمين




...~~~...




في قصر راقي ناعم هادئ.. نزل شاب وسيم قمحي اللون ..ولونه يهبل.. وشعره طويل لكتوفه مدرج.. والشنب والدقن مسويه مثل اللوك الإماراتي .. شكله الرجال معجب فيهم..

ـ هلا بالدكتور هلا والله بهالطله هلا والله بالي رافع الرأس
تقرب منها وباس راسها
صالح: هلا والله بالغالية
ـ هلا بنظر عيني هلا بالحلى كله
شهد: لا والله وتتغزلون ببعض قدامنا .. ماما تر مايصير تفرقين بين أبناءك
جمانه: صادقه اختي
صالح: كيفنا ولدها الوحيد وتتغزل فيني اوف من الغييييره
شهد: مالت اصلا انت الي تغار لانه بابا يحبنا اكثر
أم صالح(عبير): يالله بدت الهواشه
صالح: شلونك جمانه اليوم نمتي
جمانه: لا والله ما ادري شو فيني
شهد: يمكن فيها جني
أم صالح: اعوذ بالله من فالك
شهد: والله أنا شفت البرنامج إلى في قناة الرياضه اسمه 99 يقول أنه الواحد إلى يشوف ويتخيل أنه في طاغيه راح يهاجمه فيمكن يكون محسود
أم صالح : اش دخل الحسد في الكلام الي قلتيه
شهد: مو هو الواحد لما يتحدس يسلط عليه جني يعيش بداخله
جمانه بخوف: وجع لا تحوفيني صار لي شهر ما انام من الخوف والقلق
صالح وهو يقرب من اخته جمانه: تعالي برقيك
جمانه: هذه خبله انت تصدقها
ام صالح: خليه يرقيك انت شفيك


::لحظة تعريف::
أحمد (ابو صالح)::عمره 44 تاجر ثري وترتيبه الثالث بين أخوانه
عبير (أم صالح):: عمرها 40
صالح: عمره 24 سنه طالب في كلية الطب
جمانه: عمرها 17 ثاني علمي
شهد: عمرها 15

مسكها صالح وهو يضحك: أعوذ بالله من الشيطان الرجيم
شهد: مو كذا ترقيها يشترط التجويد والتلاوه في الرقيه
أم صالح: صالح الله يهديك أرقيه ما فادت المستشفيات يمكن صدق البنت حد ناظرها
صالح: ماعندهم سالفه والله ولا هذا شكل حد يناظره
جمانه: روح والله اني ماخذه حلاكم كلكم
شهد: بهذه صدقتي يمه ليش ماجبتيني مثلها
ام صالح: والله انكن حلوات
صالح: القرد بعين امه غزال
ضربته امه وهي تقول: شقصدك
صالح: ههههههه والله ما قصدت غير انهن قردات بس انت القمر
ام صالح: يالله ارقي اختك
صالح: اجل بنوديها للشيخ اذا بجد انتوا شاكين فيها انها محسوده
جمانه: لا مني برايحه وعياده نفسيه ودخلتوني والحين عند الشيخ لا أنا استحي بيكون قريب مني وبعدين انت ما تغار علي
صالح: بس هالشي لمصلحتك
جمانه: والله اول ما نزلت الرقيه الصحابه رضوان الله عليهم راحوا يرقون أهاليهم
شهد: ايه والله الرجال يرقي أهل بيته وكل والرقيه ما تختص بشخص معين أي حد يقدر يرقي
صالح: أفااااا السالفه دخلت فيها رجوله تعالي يمه برقيقك وارقي قبيلتك كلها
وحط يده على راسها وهي تضحك.. وبدأ يقراء وما حس غير بضربه قويه على وجهه..
لحظات غريبه عجيبه مريبه.. بدت بمزحه وانتهت بحقيقه مره..جمانه وقفت على طولها وهي ماسكه بطنها وتحاول تاخذ نفس..
ام صالح ..ما بين مصدقه ومكذبه ما بين دهشه وتعجب.. ما بين صرخه ودمعه.. ما بين رعشه وانتفاضه. مابين خوف وحزن..
شهد.. الخوف أرعش كل أوصالها
صالح حط يده على وجهه.. الصفعه كانت قويه ..وقف وهو محتار.. بدأ الموضوع بضحك وانتهى بصفعة ألم.. أخته تعاني لها شهر .. شهر ما ذاقت النوم فيها.. الخوف والرعب ملازمها..
تقرب منها ومسك أكتافها بس هي أبعدت يده بقوه.. هو مو متعود عليها هـ الاسلوب.. اخواته يحبونه..وهو يحبهن..
صالح: جمانه حبيبي تعالي اجلسي
ـ ابعد عني
..ألجمه الصوت..الصوت ما كان لجمانه.. الصوت كان صوت رجولي غليظ ظاهر من كهف..
دقائق مرعبه مرت عليهم.. جمانه تحاول تاخذ نفس وكأنه المكان تفرغ كليا من الهواء.. وصالح واقف مذهول.. خايف أول مره يمر بموقف كذا ولاااا هـ الموقف الصعب يمس اخته..
أم صالح.. حكمتها سيطرت على خوفها وقالت: صالح يمه اكمل الي بديته يمه انت الرجال لا تكون خايف
صالح ناظر امه عرف انها تشجعه انه يمسك جمانه.. تقرب منها ومسكها بس هي كانت تبعده عنها وحاولت تترك المكان..وهو متفاجئ من قوت اخته.. صار كانه يتعارك مع رجل قوي لا انثى رقيقه..
ـ صالح اترك اختك
كان ماسك فيها بقوه وهي تتقدم للدرج وهو مو قادر عليها
ـ حسبي الله عليك من ولد انت ما تسمع الكلام
وقفت ام صالح واتجهت لزوجها الي دخل البيت وهو مو فاهم شي: أحمد روح امسك بنتك صالح مو قادر عليها
ابو صالح وهو يتجه لصالح بغضب: اقولك اترك اختك
شهد وهي تصارخ: بابا جمانه فيها جني
تقدم ابو صالح بسرعه لبنته وهو يقراء المعوذات.. مو فاهم شي..بس هذه بنته وهذا الموضوع الي فهمه..صرخات رجوليه غليظها كانت تطلع من جمانه..
أبو صالح : اتركها
تركها صالح وابوه مسك يده وخلوها بالنص وهي تصارخ تجلس وتوقف وتحرك يديها كانها تطير.. وابوها يقراء عليها المعوذات وبدأ يقراء عليها سورة البقرة..
جلست جمانه وهي ماسكه بطنه وبدت ترجع شي اقرب من انه يكون براز
هدأ الصوت الي بداخلها وهي بدت تترنح.. مسكها ابوها
تقربت منهم ام صالح وجلست تغسل وجه بنتها بالماي
ابوصالح: هذا زمزم
أم صالح: ايه وقريت عليه خذ شربها
خذ الكاسه منها وحط الكاسه عند فمها وهو يقول: أسال الله رب العرش العظيم أن يشفيك
كان يرددها وهي تشرب..وغابت عن الوعي
ام صالح: احمد شفيها البنت
ابو صالح: صالح روح كلم امام المسجد وعلمه بالسالفه
صالح وهو يوقف: إن شاء الله




...~~~...




ـ خلخلت عظامه شنو يعني خال البنات ملاك يعني الواحد يتزوجه غضب
عادل[أبو ريماس]: أثير فكري بالموضوع
ـ رجاءً عادل لا تناقشني بالموضوع
[قلتها وظهرت من المكتب.. هـ اللي ناقص خال البنات بعد .. الله ياخذه..مريت من الصاله وشفت ريماس سرحانه.. أحلامها تبخرت بين يوم وليلة]
ـ لا تسرحين كثير عيشي يومك ترى الحياة مو مثل ما تتخيلين حب وأحلام ورديه.. الحياة صدمات
[ رميت جملتي عليها وكملت طريقي يمكن تفكر زين بكلامي..]




...~~~...




[انفتح الباب وشفتها قدامي .. خفت منها..حرام والله عليهم أنا ما سويت شي كبير لأجل اعاقب عليه كذا]
ـ رغد يمه ابوك كلم عمك والملكه بتكون يوم الخميس
[ما اعرف ليش تخبرني ولا اعرف سبب وجودها عندي كانت متوتره الله يستر شكله بابا مب راضي عني]


/


ظهرت من حجرة رغد وهي ما بين مصدقه ومكذبه مابين حيرة ودهشه


[الحين رغد الخبله هذا تصرفها.. والله بنات الزمن هذيل مفتحات.. الله يرحم زمنا لين تزوجنا وحنا نجهل امور كثيره.. عادل ماغير يلومني أجل هو وينه ليش ما يحط اللوم بعد عليه.. فتحت بابا حجرة ريناد خليني اراقبهم لا يكون بعد هي شارده]
ـ هلا يمه
قالتها ريناد وهي تقفل صفحات النت من الشاشه
ـ انت شو تسوين
ـ جالسه العب
ـ ايه العبي بس انتبي على عمرك
ـ إن شاءالله يمه
قالتها ام ريماس[لبنه] وظهرت
تنهدت ريناد بارتياح يوم ظهرت امها ووقفت تقفل الباب أول مره امها تدخل تقولها خافي على نفسك.. [يمكن موضوع رغد الخبله مأثر عليه] .. ردت للنت وفتحت الصفحات ويالي هول ما فتحته صور خليع رسلوها ليها أصدقاء السوء عبر الإيميل ومقاطع مثير.. ودردشه قمه في الدناءه

...~~~...




::لحظات تعريف اخرى::
::عائلة عادل::
عادل: عمره 42 مهندس في شركة أرامكوا حالته الماديه ممتازه.. ترتيبه الرابع
لبنه: عمرها 39
ريماس: عمرها 22 أخر سنه لها قسم نسيج
ريناد: عمرها 20 ثانويه عامه
رغد: 13



...~~~...




ـ يالله ما تبون تعشونا
قالها أحمد وهو يناظر زوجته عبير
عبير: إنزين نتعشى وين
أحمد: هنا بحجرتي لاجل جمانه أخاف تصحى وما تلاقينا
عبير: حلوه الفكره
أحمد: انزين يالله عشونا
عبير: يمه شهد روحي جيبي العشى
شهد: والله انا عن نفسي مو مشتهيه
عبير: انزين حنا ماسألناك رأيك
شهد: المثل يقول كل من يخدم نفسه اليوم
صالح وهو يدخل: هههههه ابوك يالنصب انا عارف علتكن
عبير: هههههه انزين تكرم انت وجيب العشى
صالح وهو يرفع يده: أحلى فلافل لأحلى أسره
أحمد: شو الموضوع
صالح: واضح يالحبيب ما يباله شرخ الإناث جبانات
أحمد: هههههه وانا اقول شفيهن يماطلن
عبير: خلص لا توضح اكثر أخاف يسمعنا ونروح فيها
أحمد: الله يهديكن ويحميكن




...~~~...




دخل حجرته وهو مصدوم كان يحلم بس الحلم سطر أحرفه على الواقع ليصدمه بقسوة الظروف.. ما يعرف شو الموضوع البنت ونامت عنده فيها شي.. ليش يجبرونه على الزواج هو عمره مافكر بالزواج ولا بالرومنسيه كل الي في راسه انه يصير دكتور مثل صالح.. ويحب اللعب والحريه.. بس ابوها اجبره ياخذ رغد
ـ الله يلعنك يالنحيسه مالقيت غير حجرتي تنامين فيها
ـ اف انا اخذ رغد الخبله ليش بايع عمري
ـ بس ابوك بيطردك من البيت
ـ عادي انا رجال بدبر عمري
ـ وين تدبر عمرك انت تاخذ مصروفك من ابوك والسنه الجايه توجيهي
ـ يالله شلون أوفق بين دراستي وزواجي ياليت الي باخذها تفتح النفس والله انها ارجل مني
ـ لا شنو ارجل مني انا رجال.. بس هي مسترجله وخبله
ـ والله حرام ليش يعاملوني كذا وكاني بنيه انجبر على الزواج
قطع عليه خلوته فتح الباب وظهور امه قدامه
غالية: البراء ابوك يقولك الملكه يوم الخميس
انصدم البراء من الموضوع.. شنو ملكه وشنو خرابيط هو شو ذنبه يورطونه.. أصلا هو يفهم شي في عالم المتزوجين.. المشكله أبوه مب راضي يسمعله كلمه..
قالتها امه وظهرت..هو كان جالس يرتب الكلمات في رأسه لاجل تفهمه.. بس هي ظهرت قبل لا تسمعه..
ـ البنت وكل الدلايل تقول اني لمستها
ـ بس انا ما لمستها
ـ الحيوانه شكلها مسويه مصيبتها وجايه تستر عمرها فيني
ـ لكن هين يا رغد راح انسيك اسمك اما خليتك تعترفين قدامهم كلهم وأولهم امي وابوي بانه مو انا الي لمستك




::لحظات تعريف اخرى::
::عائلة عبدالله::
محمد: عمره 40 مهندس في شركة سابتكوا.. ترتيبه الخامس بين اخوانه وهو اصغر أولاد الجده مزنه
غاليه: عمرها 37 وهي اخت لبنه زوجة عادل
البراء: عمره 17 عقله طفولي.. وحيد امه ابوه.. بس زين انه ما يقول ماما وبابا مثل البنات
وهـ العائلتين عايشين في فلتين بحوش واحد




...~~~...




عابد: عذاري صالح جاء امي تقول لا تظهرين
انتفض قلبي من الفرح وقفت ورحت للشباك اناظره
أم عذاري وهي تقلطه: هلا بوليدي تفضل
صالح وهو يحط أكياس المقاضي على الأرض: لا الوالده انا مستعجل اسمحولي
أم عذاري: إذا مسعجل ما نقدر نلزم عليك واذا وقتك يسمح لك تشرب فنجال شاي فأنت غير معذور
صالح: لا والله الولده مره ثاني
محمد وهو يمسح وجه: أفااا صالح يجي وما تصحوني
وراح للمغسله الي في زاويه في حوش البيت الشعبي وغسل وجهه ومسح وجهه بملابسه وتقدم بسرعه لصالح يواجهه
صالح: هلا بوحميد اشلونك شكلك سهران البارح
محمد: كنا نلعب اونو وغلبتهم كلهم
عابد وهو يقط راسه بالعرض: ولعبنا كيرم الي جبته لنا وامي وعذاري كل شي يطلعون لنا قرارات من روسهم
صالح: ههههه لا يضحكون عليك اللعبه مثل ما علمتك اياها خلك بطل واغلبهم
محمد: اصلا هذا ما يعرف يلعب ما غير يرمي المضرب يا تصيب ويا تخيب
صالح: يالله راح يتعلم وبيغلبكم
عابد: سمعت راح اغلبكم
صالح: انزين انا اترخص الحين توصين بشي يالوالده
ام عذاري: مشكوره يا وليد والله يوجهلك ويبعد عنك أولاد الحرام




...~~~...




جلست ام أثير على أعصابها بنتها راكبه رأسه مب راضيه تقتنع
لبنه: مها اشفيك أنا بحاول وياها بس خلينا نخلص من موضوع رغد
أم اثير: والله يا لبنه ما ادري شو اقولك أثير بنتي كاتمه على عمرها ما تشكيني همها ما تدخلني حياتها.. تعبتني وياها كل ما قربت منها اشوفها تبعد عني
لبنه: والله ما ادري شو اقلك بس انت حاولي وياها وتقربي منها اكثر
مها: والله تعبت
...~~~...




صحت من نومها وهي مستغربه وجودها في حجرة ابوها وأمها


ـ انت صحيتي حبيبي


ـ ايه بس أنا شلي جابني هنا


أم صالح: ماما جمانه شلونك الحين


جمانه: الحمدلله بس أنا شو الي جابني هنا


ابو صالح وهو يفتح عيونه: هلا حبيبي وأنا اقول صوت الكناري من وين


جمانه: هلا بابا


ابو صالح: اول مره احس اني نمت زين ولا كل يوم اتشوت واحيان احصل عمري طايح بالارض


ام صالح وهي تعض على شفايفها: لا والله انت الي تلاعبني كرتيه انا الي ارتحت


شهد: والله حرام عليكم من البارح وانا ساكته وكاتمه على عمري انا شو اقربلكم


أبو صالح: يقولون بنتنا صح عبير


عبير: لا انا اشك


شهد وهي تسوي عمرها تبكي: ما احبكم بدورلي اهل غيركم يحبوني


جمانه: شو الي جالس يصير ليش كلنا نايمين هنا


شهد وهي ترفع وتعدل شعرها: جمانه ما تذكرين شي


جمانه: مثل شو


ام صالح: حبيبي انت لك شهر ما نمتي عيونك ما تعرف طعم النوم


جمانه وهي تقاطعها: ايه والله انا نمت وااااااو اخيرا نمت والله احس اني ارتحت بس شلون نمت


ابوصالح: قرب الظهر بروح اصلي وانت حبيبي ما صليتي الفجر قومي خذيلك شاور وصلي الفجر والظهر




...~~~...




أثير[صليت الظهر وجالسه انتظر مباراة المنتخب بشوق.. خساره المواجه غير مرضيه كنت اتمنى لو انه البحرين تعادلت مع اندونيسيا كان خرجنا من المواجها الصعبه وصعد المنتخبين الخليجيين.. رن تلفون الصاله.. غريبه منو الي يتصل علينا في ذا الوقت.. وقفت واتجهت للتلفون ما ادري وينهم اهل البيت اليوم]


ـ الو


ـ الــو


[هـ الصوت أرجفني من الداخل سكرت الخط بسرعه أنا شلي لقفني وخلاني ارد اليوم دوم أخليه يناحل وما ارد يوم رديت طلع لي هـ العله]


مزنه: منو الي كلم


جاوبتها بسرعه: ما ادري سمع صوتي وسكر


مزنه: زين انه سكر أقيس انه غلطان ولا حد يسمع هـ صوت المزايين ويقفل


أثير: يمه الله يخليك إلا صدق وينهن البقيات


مزنه: بالمطبخ محمد يريد الغدا أول ما يرد من المسجد لاجل يتابع المباراه


أثير: ممممم وانا اقول السالفه فيها شي


مزنه: الحين منو بيصعد


أثير: إن شاء الله السعوديه والبحرين يصعدون بس الأمل ضعيف


مزنه: ليش


أثير: لانه النقاط متقاربه


مزنه: أثير يمه ما شفتي رغد محتاجه شي ..هي ما تكلم أمها.. وأخواتها شايلات يدهن عنها.. كلمهيا انت وشوفي طلباتها خلها تفرح وتحس انها عروس والله حرام الي تسونه فيها.. اثير يمه انت عمتها لازم تكونين احن عليها من خواتها


ـ إن شاءالله يمه بروح لها الحين واذا بدت المباراة خبروني


ـ الله يوفقك ويزقك بالزوج الصالح




...~~~...




[صليت الظهر .. وظليت جالسه على السجاده.. الحين بالله انا عروس .. انزين ليش ما يجبون لي مثل العرايس .. شفت شي غريب بالسجاده..الله يلعنهم حاطين صليب بالسجاده]


ـ رغد خلصتي


ـ ايه .. عمه تعالي شوفي حاطين صليب في السجاده


تقربت عمتي مني وناظرت محل اصباعي


أثير: ايه والله حسبي الله ونعم الوكيل فيهم


رغد: شسوي ارمي السجاده


أثير: لا اعطيها ماما تخفيلك الصليب


رغد: شلون


أثير: تخيط عليه بالحرير


لحظه سكتنا فيها .. انتهت السوالف عندنا.. انا راح اموت من كثر السكوت.. حرام عليهم يعرفون اني احب اسولف والعب ليش يحرموني من هـ الشي


ـ رغد اليوم العصر بنروح السوق نتقضى لبكره


رغد بفرح: والله


أثير: ايه مو انت عروس ههههههههه


احرجتني عمتي بس تصدقون حلوه ضحكتها


أثير: رغد شو شعورك وبكره ملكتك


رغد: شلون يعني


أثير: يعني اوصفيلي شو أحساسك الحين


رغد: زعلانه وطفشانه وودي اظهر من حجرتي بس بابا مانعني


أثير: سكتي والي يرحم والدينك سكتي أنا توني تأكدت انه راسك متروس تبن





~نهاية الجزء الثاني~

 الــ ج ـــزء الثالث

طفولة بريئة ..جنون .. مشاعر متناقضة.. سطور مؤلمة.. قسوة وجبروت..ارتباكات..افراح مقتوله..صفحات رماديه واخرى صماء

رغد[تركتالقرآن.. تذكرت المدرسه بشترط عليهم اكمل دراستي..هو صحيح انا ما احب المدرسه ما أروح غير لأجل اخذ مصروفي والعب مع البنات..يعني من زينهن الأبلات.. بس ابلة الرسم تهبل تعطيني الميه كامله أصلا انا عيوني ما تجي غير على درجة الرسم والبقيه كلها ما اشوفها واهلي عكسي تماما..عجب المفروض يشجعوني يمكن اصير اشهر رسامه..بس بكمل دراستي اجل البراء يدرس وانا لا والله بصير اشطر منه غصب طيب .. غريبه عمتي اليوم بطوله ماشفتها ..وانا محتاجه اغراضي الشخصيه ضروري الي سرقتها من عمتي خلصن ما بقى غير واحد..مسكت ورقه وقلم..مني عارفه شو اكتب.. استحي والله..كل اصبع فيني يدز الثاني لأجل يكتب الكلمات حيييييييييييييييل مستحين مثلي.. تضاربت اصابعي مع بعض الإبهام يقدم السبابة.. والسبابة تقدم الوسطه ..والوسطه تقدم البنصر.. والبنصر يقدم الخنصر..ناظرت يدي ياحرااام اصباعي الصغير كل الأصابع فوقه وكل واحد فوق الثاني.. حزنت عليه ذكرني بحالي ليش انه صغير فالكل يعطيه على راسه..صرخت عليهم بس يالله اكتبوا الغرض احتاجه ضروري.. اتفقوا على انه اقصر اثنين هن الي يكتبون يعني الإبهام والخنصر بس شلون..يالله خليني اكتب طال ماهن اتفقوا اخاف عقب يضاربون ثاني وما اكتب شي..مسكت القلم وكتبت..عمه ممكن تجيبن لي مثل الي سرقته من درج صيدليتك.. سكرت الورقة.. الغريب هنا انه كل أصبع يحاشر الثاني على الورقه يبون يسكرونه هو دوم التعاون يكون في الأمور السهله اما المواقف الرجوليه الكل يشرد منها..]


...~~~...


ريناد وهي تساسر ام إثير: خالتي إشفيهن بيت عمي أحمد لبسهن كذا
أم أثير: الله هداهم
ريناد وهي ترفع حواجبها: مممممم ضاربتهن طواعه بس من متى الله يرحم أيام أول الشفاف والقصير والعاري
أم أثير: الحمدلله وإن شاء الله يجيكم الدور
ريناد: اصلا اتحدى يستمرون كلها يومين ويردون
أم أثير وهي توقف لاجل تسلم على أحلام وليان: قومي استعجلي أختك ريماس وقوليلها الكل حضر وهي بعدها ما نزلت

...~~~...

غسان: ياخي شوف بالله المهزله زواج بزارين
صالح: وانت شعليك براحتهم
غسان: دخيلك شوف ولد عمك كانه بنيه مغصوبه
صالح: انت شفيك على الرجال الله يهديك
غسان: أي رجال الله يهديك هذا بزر
صالح: انزين بزر ترى انا وانت سبب انه بزر كل واحد التم على اصحابه ونسى اقرب الناس له
غسان: يعني شسوي بعمري اخذه وياي اخاف يفضحني ويصيح علي قدام خوياني ردني لماما يسويها ولد عمك
صالح: ترى مايصير الي تقوله توه صغير عمره 18 ووحيد امه وابوه
غسان: انت الظاهر اليوم مستوي مصلح اجتماعي

...~~~...

ـ ريناد خلينا بروحنا
تركتنا ريناد وسكرت الباب ودخلت
أثيرـ ريماس لبسي بسرعه وانزلي
صرخت ريماس: ما اريد انتوا ليش ماتحسون فيني انزين رغد وغلطت مع البراء ليش بس حنا الي الله عاقبنا ليش هم يتزوجون وحنا لا
صرخت عليه: ريماس استغفري ربك حرام عليك الي تقولينه انت شنو انهبلتي
ريماس: عمتي رجاء اطلعي ما اريد اشوف احد
أخذت نفس هذه بتفضح عمرها الكل بيقول عنها انها حاسده اختها اذا مانزلت
تكلمت بهدوء لاجل تسمعني وتطيعني:ريماس الناس بتاكل وجهك بتقو
قاطعتني وهي تصارخ: خليها تقول الي تقوله انا شعلي من الناس انا علي بنفسي لو سمحت اطلعي لبره
أثير: انزين دام انك تحبين غسان ضحي وخذيه وانتوا حاملين للمرض وإن شاءالله خلفتكم كلها تجي سليمه
شفتها سكتت وهي تفكر.وعقب ناظرتني وقالت
ريماس: وبابا
أثير: انت معليك في ابوك انت الحين تبينه
حركة ريماس راسها بايه
اثير: انزين يالله بسرعه بدلي لانه الكل يسال عنك
ريماس: انزين شلون بتقنعي بابا
أثير: هو انت اصلا قلتي ايه في الاول ظليتي ساكته يوم رفض ابوك
[شفتها توقف وتروح لدولابها..الله يهديها امي مزنه هي الي ترسلني لفلان وعلان واضطر اتحمل غلاستهن بس زين انهن كلمه توديهن وكلمه تجيبهن..هذه ميزت بنات عادل ]

...~~~...

عذاري..[ جلست وقربت الطشت مني وبديت اشطف الملابس..ورجعت بي الوحده للذاكره الرماديه ]
ـ شو شرطك
ـ تعطيني الف ريال ..قلتها باستحياء
ـ كــــم؟؟!!
من طريقته حسيت انه المبلغ كبير فأنا اصلا بين يدينه قررت اخفظ المبلغ لاجل يرضى ويعطيني
ـ انزين سبعميه
ـ .......
ما قال شيء شكله المبلغ ناسبه بس ان شاءالله ما ينزل اكثر
ـ انزين ليش تبين الفلوس
ـ لاجل اشتري مقاضي لأهلي
بريك قوي وحسيت عمري ارتطم بالقزاز الأمامي
ـ هييي انت شفيك انهبلت تبى تموتني
مارد علي ظل يناظرني احرجني بنظراته صح انا متغطيه ومو مبين فيني شيء بس هذه اول مره اطلع مع شاب و أول مره رجل يناظرني كذا احس حفظ ملامح وجهي
ـ وجع شو قلت الادب هذه ابعد نظراتك عني
قلتها وانا ابعد وجه للجهه الثانية.. رديت يدي بين أحضاني وهو ظل مثل ما انا وجهت وجهه يناظر الجه الثانية.. حرك السيارة وظلينا فترة احسها دهر وهو يسوق وهو ساكت.. نزل ورد سريع وهو حامل فطور.. وصلنا للكورنيش يااااااااااه شفت البحر اخيرا .. خواني ودهم يجون للبحر ونشوف الطراطيع (الألعاب الناريه) والعالم ونعيش جو عائلي جمب الشاطى..وقف السياره
ـ انزلي خلينا نفطر
نزل ونزلت بعده ..جلس على كرسي خشبي وجلست على طرف الكرسي
ناولني العصير وهو ساكت اخذته واخذت السندوتشه
ـ بدا يشرب وياكل وهو ساكته الي يشوفه يقول حد ضاربه على وجهه .. ابد مو هو نفسه الي من شوي شفيه تغير لا يكون المبلغ كثير عليه بس انا احتاج المبلغ عابد راح يموت علينا من سوء التغذيه بعده صغير عمره 7 سنوات مايتحمل الجوع مثلنا..
ـ اشفيك ما تبين فطورك
ـ الا اباه
ـ انزين كلي
مسكت السندوتشه شميت ريحتها تهبل..اكلت منها لقمه حيييييييييل عجبتني
سالته
ـ شو هذا
ـ شو شو
ـ هالسندوتشه شو الي داخلها
ـ انت تستهبلين
ـ لا والله بجد اتكلم
رد يناظرني وشكله مصدوم..
ـ انت اول مره تاكلين فلافل
ـ ايه ليش
ـ دخيلك كلي وانت ساكته
اكلت لقمه ثانيه ورديت لفيتها لاجل اخذها لاهلي.. بديت اشرب بالعصير كان يهبل خفت اساله ويسكتني.. شربت شوي بس ضمأي اجبرني على اني اكمله للنهايه..وبعدين ما اقدر اخذ العصير لاهلي اخاف امي تسالني.. شفته رد سندوتشته وحطها داخل الكيس ما اكل منها غير كمن لقمه..ومد يده ياخذ حقتي وهو يقول
ـ تبينها
ـ إيه..انت ما تبي حقتك
ـ لا
ـ انزين اعطيني اياها
قلتها وانا خجلانه بالعاده انتظر صاحبة لنهاية الفسحه واجمع في السندوتشات والشبسات الي تركوها البنات لاني استحي اخذها قدامهن بس هذا انا بضيع حياتي وياه فعادي لو اخذت حقته
ـ ليش
كان هذا سواله..جاوبته
ـ لاجل اخذها لاهلي
ـ ليش
شرحت له تفاصيل حياتي باختصار..ومر علينا الوقت وسالته
ـ كم الساعه
ـ يوووه احدعش ونص تاخرنا
نزل للمخبز ورد بسرعه ووهو حامل كيس مليان بفات
ـ خذي هذه لأهلك
فتحت الكيس وبديت اقطع البف بشكل عشوائي
ـ انت شو تسوين
ـ انت ماتشوف
ـ اشوف ليش تقطعينها
ـ لاجل يبين اني ملقطتها من الأرض..الله يهديك انت جياب شي كثير

...~~~...

ريناد: اوووف ياربي الحين هذيل ما ضربت فيهن الطواعه غير اليوم..نبي نسمع طرب شو الديجه الأرف الي جابته خالتي عبير
أثير: هذا ديجي اسلامي اولا ..وثانيا اختكم اليوم ملكتها ولا وحده فيكم كلفت على عمرها تساعدها في غرض..إذا عجبكن اهلا وسهلا ما عجبكن دقن راسكن في الجدار
ريناد: وانت تعتبرين هذا فرح مثل العالم
أثير: ريناد سكتي ترى بتسمعين كلام ما يسرك
ليان[هذه النقاش كان داير بين عمتي وريناد.. غريبه ما اشوف اثر للسعاده على وجييهن..الي يشوفهن يظن السوء..الفرحه مقتوله هنا]
ليان: عمتي ممكن اشوف رغد
أثير: روحيلها بحجرتها ونسيه اكيد ملانه
جمانه وشهد: وحنا بعد بنروح لها

...~~~...

رغد: ما اريد انزل والله استحي ماما والي عافيك مااريد
ام ريماس: رغد الناس شو بتقول عنا
صرخت وانا محروقه شلي يصيرلي: تقول الي تقوله ما اريد
مسكتني ماما ووقفتني وهي تصارخ: اوقف رغد ترى والله لا تنضربين تحملي غلطاتك
سكت ونزلت راسي دموعي بدت تنزل
ام ريماس: كبفك ابكي وعدمي الميك اب وغصب راح تنزلين
أثير: لبنه لو سمحتي اظهري انا
أم ريماس: لو سمحتي لا تدخلين بيني وبين وبنتي
أثير: لا والله الحين عرفتي بنتك وينك عنها يوم نامت برا البيت وينك عنها يوم اجهزلها لملكتها وانت حت ماكلتفي على عمرك تحطين يدك..غلطت بس غلطتك انت اكبر يامدام
الجده: بسكن فضحتونا
لبنه: هين يا اثير أنا اعرف اشلون ارد عليك
أثير: اعلى مافخيلك اركبيه
ظهرت لبنه وهي معصبه
الجده: أثير يمه عيب ترها اكبر من امك
أثير: انت ماتسمعينها زوجة ولدك شو تقول اصلا هي متى اهتمت فيهن لأجل تعاقبهن خلها تفرفر في الاسواق ازينلها
الجدة: الله يهديكن قتلتوا الفرحه الباقيه
قالتها وظهرت
تقربت أثير من رغد وعدلت لها الميك آب الي يشوف يقول حد جابرها تعدل رغد
أثير: جدتك تقول قتلنا الفرحه الباقيه اريدك الحين تبتسمين وتصدميهن كلهن خصوصا خواتك وامك ..خلينا نضحك عليهن قبل لايضحكون علينا
أثير: ها شقلتي
رغد: بس انا ما أريد انزل
أثير: افرحي رغد الفرحه ما تنعاد وبعدين بتشوفين الحبيب
قالتها اثير وهي تغمز لرغد الي انحرجت

...~~~...

...~~~...


انتهت الملكة.. كانت مشهور بالنسبة للرياجيل (مجس ومعازيم) وعائلة بالنسبه للحريم...خرجت أحلام وبنتها الي كانوا اخر المعازيم وظلت غالية لانها بتدخل البراء غصب عنه يتصور مع رغد.. بس كانت رغد تحت يدين امها تناشد الرحمة..لبنه تضرب في رغد الي من شوي كانت تضحك وتبتسم لبنات عمها..
غالية وهي تحاول تسحب رغد من بين يدين امها: لبنه انت شفيك انهبلتي
ولبنه مافي ذاركتها غير الكلمات الي سمعتها وانتظرت خروج الكل لاجل تبرد قلبها وتطفي النار الي تشتعل بجوفها
أحلام: اقول ام صالح شكله ورى الزواجه هذه مصيبه
عبير: اذكري ربك يا ام غسان
أحلام: والله اقص يدي لو ما وراهم مصيبه أصلا غسان الأسوبع الي طاف مر يسلم على عمه وشافته منى لحقت تكبر ومتى لحقت تغطي
عبير: اشفيك البنت خلاص هذا وقتها
أحلام: قلتهيا بعظمة لسانك هذا وقتها يعني بعدها نونو أكيد صار شي وداسينه هذيل الاخوات
عبير: الله يهديك مالنا ومال الناس
أحلام: والله الناس بدت تاكل وجهي الكل من عرف بالملكه يسالني ليش زوجوا الصغيره والكبار بعدهن
الكل تجمع يفارع بينهن.. رغد الطفلة البريئة العروس الصغيرة السماوي لاعب فيها معطيها رونق خاص يصف فطره بريئة وسجايا نقيه..ذاب الميك آب واختلط ببكائها الطفولي الي كله صراخ ودموعها الي تشتكي ظلم ما تعرف سببه
الجده: اتركيها لا بارك الله فيك ولا في الشيطان
غالية وأثير ومها قدروا ياخذون رغد بالقوه
أثير وهي تضم رغد وتصارخ: انتِ شو انتِ ام انتوا ليش دوم تلومون عيالكم وينكم عنهم تتركوهم وبالاخير تعاقبوهم بذنب انتوا السبب فيه
لبنه وهي تصارخ: الله ياخذ روحها دام انها فضحتنا
أثير ما تحملت الدعوه.. امجد مر على ذاكرتها بشكل سريع والدعوه الي اخذها بذاك اليوم
الجده: الله لايبارك فيك كان دعيتي على بنتي انتوا ما تتبون يكفي خالد الي متعذب ويا ولده حسبي الله عليكم كان هذه تربيتكم
أثير وهي تصارخ: أصلا انت يالبنه احمدي ربك انه الله معطيك هذيل البنات وحافظهن لك ..ولا انتِ وين والتربيه
مها [أم أثير] وهي تصارخ: أثير لا تدخلين عمرك فيهن
أثير: يا ماما هذيل بنات اخوي تعرفين شو معني بنات اخوي
لبنه: شفناها العمومه ظهرت الحين أعرفك مثل امك تحبين تصيدين في الماي العكر
أثير: أنا ما ارد عليك لاني اعقل منك
لبنه: اظهري من بيتي ما اريد اشوفك فيه دقيقه وحده
ـ لــــــــــبنه
هزت المكان هز الكل التفت لصاحب الصوت..تغطت غاليه ودخل عادل وهو معصب..نظراته كانت قاتله لها: هذا بيتي وبيت اهلي انت ضيفه عليه اذا عاجبك الحال اهلا وسهلا مو عاجبك الباب يفوت جمل
تركة لبنه الصاله وطلعت حجرتها
أم أثير وهي تعاتب بنتها: هـ الي استفدتي منه الحين يالله اطلعي راضيها
عادل: خليك محلك بترد لعقلها

...~~~...[/quote]



...~~~...

دخلت جمانه بيتهم وهي ترتعش من الخوف المسبح الماي قلب دم..عليه طاغيه..ما لحقت تشوفه لانها ذكرت الله ودخلت بسرعه..قلبها يرتعش من الخوف تحس انها راح تموت تنقتل اذا ظلت بروحها..لا اراديا ضمت امها الي صارت ظلها بعد ما اكتشفت المس الي فيها.
عبير: جمانه حبيبي اشفيك
تكلمت جمانه بحروف مرتبكه خايفه: ماما شفته على المسبح
أحمد وهو يقاطعها: تعالي بابا تعالي
ضم بنته وقال: شهد حبيبي روحي جيبي العسل والزمزم
شهد: ماما
عبير ابتسمت لـ شهد صاروا ظل بعض ثلاثهم وين ما يرحون ويا بعض..تركوا الصاله متجهين للمطبخ..وحطت جمانه يدها على وجهها وهي تصارخ.. عبير ماالتفت لبنتها صارت دخلت بسرعه للمطبخ تجيب العسل والزمزم..
احمد ابعد يد جمانه عن وجهها وبداء يقراء عليها بصوت مرتفع ..وجه جمانه لف فمها وصل لأذنها اليمنى .. تزامن وصول صالح وامه وشهد عند جمانه..
ومع الرقيه الشرعيه والحوار الي دار بين أحمد والجان وقبلها مشيئة الله قدروا يمنعون ظهور الجان من وجهها .. بس مازال موجود داخلها ..

...~~~...

ـ السلام عليكم ورحمة الله ..السلام عليكم ورحمة
أثير[صليت الظهر وشفت رغد واقفه عند الباب..صدق البنت هذه تحزن ابتسامتها اختفت شقواتها اندفنت بين يوم وليله]
تكلمت رغد بخوف: عمه ممكن ادخل
ـ تعالي
قلتها وأنا مستغربه حال رغد سبحان الله من حال لحال..بعد الرجه الي كانت تسويها وصلت لهدوء مجبوره عليه
رغد[كنت في صراع رجليني الثنتين يضاربن كل وحده تعزم الثانيه لاجل تتقدم ..وانا ما عندي شخصيه اقودهن..هن الي يقودوني..]
أثير[حسيت فيها متردده وقفت ورحت لها دخلتها حجرتي وسكرت الباب جلست على السرير وأشرت لها تجلس بس الظاهر انها ماتفهم لغة الاشاره]
أثير: اجلسي رغد
رغد[ظليت واقف لاني ما اقدر اجلس ..يااااااااااااه الصراع الي بين اعضاء جسمي متى ينتهي يديني يتعازمن من الي تعطيها الورقه]
أثير[شفت الورقه وشفت نظرات رغد للورقه ويدينها المرتبكه..مديت يدي وأخذت الورقة..فتحتها وشفت الخط حالته حاله..رغد خطها حلو بس شو الخط الي هنا خرابيش ..ما إن انتهيت من قرأت الخرابيش وعلت ابتسامه خفيفه على وجهي..وشفت رغد حاطه يدها على وجهها وتصيح بصمت.. تمرين بهـ المرحله وامك ماتعرف عنك شي.. بس انا شفتها تصلي الفجر..]
وقفت وكلمت رغد: خليك هني بروح أدور عند البنات وبرد
ظهرت من حجرتي وشفت امي مزنه قبالي
الجده[مزنه]: يمه أثير لبسي بسرعه وكلمي العم محمد[الكل يقوله العم محمد وهي بعد وياهم رغم انها بعمره تقريبا] يودينا لأحمد جمانه تعبانه
أثير: خير شو فيها البارح ماكان فيها شي

...~~~...

أحمد: الله يهديك يمه أنا قلت اني بمرك العصر
الجده وهي تمسك ذراعه: وينها جمانه ودني عندها
أحمد: نايمه الحين عند امها
الجده: وانتوا للحين نايمين
أحمد: يمه والله مانمنا الي من شوي جمانه ليله كله تصيح
أثير[ابتعدت عن أحمد ما احب احمد.. يذكرني بخالد..أكرهم ثنيناتهم.. جلست وأنا ساكته..العلاقه بيني وبين أحمد رسميه لأبعد الحدود ما كأن خوان عشر سنوات مانكلم فيها بعض ونضطر نسلم على بعض بس لأجل مانلفت انتبها انه في شي كايد بيننا.. ماجيت هنا غير لما عرفت حالة جمانه قلبي ماطاوعني اتركها بهالحاله..وأمجد باقي على زيارته ثلاث ساعات..يعني اقدر ازوره اليوم وأفاجئه بزيارتي..لاني ما ازوره الجمعه والخميس بسبب الويك اند ]

...~~~...

عذاري: يمه منو هـ الحرمه الي من تو ظاهره
ام عذاري وهي تكلم عياله وهي معصبه: لو جات هـ الحرمه مره ثاني لاتدخلونها البيت فاهمين
محمد وعابد: ايه فاهمين
::لحظات تعريف::
عائلة عذاري
أمها [مرزوقه عمرها 37]
ابوها عزروه بالقتل لانه هرب مخدرات
خلف عمره 15 سنه مطلوب في قائمة الإرهابيين
محمد: عمره 10 سنوات
عابد: عمره 7 سنوات
عذاري [ كنت عارفه منو الي جاتنا هذه وحده سمسارة جسد..حسبي الله عليها تدور على الناس الي ظروفهم صعبه مثل حالاتنا وتصيد في الضحايا..الحمدلله انه ربي حط في طريقي صالح..ولاكانت حياتي تدمرت..]

...~~~...

صالح[.. دخلت البيت وأنا شايل الغدا ..الوالده مانامت إلاه عقب صلاة الظهر ..وجدتي عندنا والأغرب انه عمتنا الي ماتطب بيتنا موجوده..سبحان الله مغير الأحوال يمكن عرفت واجبها كشخص في العائلة]
شهد وهي نازله: ياي جيت في وقتك انا ميته جوع
الجده: صلوا المغرب اول
صالح: والله ميتين جوع بأكل وعقب اصلي
الجده: دام انك ميت جوع فالأولى تأكل لاجل تخشع في صلاتك
وقفت عمتي أثير وخذت الأغراض مني وهي ساكته غريبه هـ الانسانه من دخلت بيتنا وهي ما تكلم غير الي يسألها

...~~~...

...~~~...


غاليه: عبدالله وين رايح
عبدالله: بروح لبيت أحمد اتطمن على جمانه
غاليه: انتظر ابدل ملابسي واروح وياك
عبدالله: لا البنت ما تبى تشوف احد ولا تبى أحد يزوهم بالبيت
غاليه: ليش
عبدالله: والله مدري بس أحمد يقول انه وجها التوه
غاليه: لايكون هذا مرض الوجه
عبدالله: ياليت بس احمد يقول كلم الي فيها والحمدلله انه قدر يمنعه من انه يظهر من وجهها
غاليه: انزين كان كلموه يظهر من يدها ولا رجلينها
عبدالله: ازرو [تعبوا] فيه وبعدين الشيخ قال بالتدريج لأجل البنت ما تتعب عليهم الله يكون بعونها ويساعدها

...~~~...


...~~~...

...~~~...

أثير[ صليت العشاء..وجلست على السجادة..تذكرت أمجد يوم كان رافض يشوفني وحالات الغضب والسب الي كنت اتعرض لها..وردت افكاري لجمانه الي رافضه وتصارخ ماتبي تشوف احد..امها وابوها وبس الي يجلسون وياها..يقول احمد شكلها يخوف من لف وجهها منعها تشوف نفسها وشال كل المرايات الي بالبيت بس ماقدر يمنع يدينها الي كل شوي تتحسس وجها..بس بحاول فيها مثل ما كسبت حب أمجد أكيد راح اكسب ثقة جمانه..طويت السجادة ودخلتها في الدرج..وظهرت من حجرة شهد..شفت شهد جالسه على زاويه الباب المسكر وهي تبكي..]
أثير:شفيك شهد
شهد: جمانه ماتبي تشوفني
أثير:منو داخل
شهد: ماما وجمانه
[ تقدمت بخوف..ما اعرف الشجاعه الي بقلبي تلاشت..حالة امجد مختلفه تماما عن حالة جمانه..جمانه عالمها مربوط بعالم الجان..وأنا اخاف من الجان..يالله اعطيني القوة والعزيمه ]
شهد: عمه شو تسوين
أثير: اريد اكلمها شوي
شهد: لا لا راح تصارخ خليها براحتها يكفي الي فيها
طنشتها وفتحت الباب..عبير ناظرتني متفاجئه وكانت تمنع دخولي بنظراتها..جمانه كانت مسدوحه ومغطيه وجهها باللحاف
[دخلت وأنا ادعي ربي بصالح اعمالي انه يوفقني ويساعدني]
أثير: صاحيه
عبير: ايه
أثير: انزين ممكن اكلمها على انفراد
[عبير ترددت كثير قبل لا توقف..أنا مالي علاقه قويه فيها ولافي عيالها بسبب أحمد بس الاحترام متواجد]
جمانه: ما اريد اشوف احد
أثير: انت اسمعيني وعقب قولي الي تبينه
[أشرت لعبير تظهر لاني ما احب اتكلم بوجود أحد اخاف الفشل العلني ..ظهرت عبير..جلست على السرير وأنا أشجع نفسي عرفت خجل جمانه الحين هو انها ملموسه وشكلها متشوه ..ارسم صورة امجد في ذاكرتي لاجل ابعد الخوف عني]
اثير: جمانه ممكن تسمعيني
صرخت جمانه: ما أريد أشوف احد انت ماتفهمي
[ خفت بنات احمد عاقلات وراسي بدأ يوسوس لايكون هذي مب جمانه ]
ـ أطلعي بره اريد ماما
بلعت ريقي وتشجعت: انت اسمعيني بالأول
ما ردت علي عرفت انه عندها رغبه تسمعني
[احترت شو اقولها مدخله عمري غلط في حياتها.. بس ما احب اشوف احد مريض ويأس بالذات انه حالتها لازم الكل يكون حولها ]
ـ عمه انت هني
قالتها بصوت مرتجف عرفت انها خايفه لاتكون بروحه..لحظات سريعه ارتفع اللحاف وارتمت علي ترتعش من الخوف.. لمحت وجهها المسحوب للجه اليمنى..كان شكله يرعب انفطر قلبي عليها اكيد متخيله شكلها شي خارج عن الطبيعه
جمانه: أريد ماما أنا خايفه
أثير: حبيبي أنا وياك
جمانه: ما ارديك اريد ماما
أثير: خطأ حبيبي الي تسوينه
جمانه: انت ماشفتي وجهي زين بتخافين بتتريقون علي
أثير: انزين بظهر بس بقولك كلمة حطيها حلقه في اذنك إذا مت لا تبكين علي ولا تقربين مني
جمانه: انت شو تقولين
أثير: وأنت شو تقولين
جمانه: انا وضعي مختلف انا
أثير: انت مثلك مثل أي مريض وتحت العلاج
جمانه: بس شكلي تشوه
أثير: والله نزل العلاج لمثل حالتك
جمانه: بس أنا شكلي تشوه
أثير: حبيبي اسمعيني كلها فتره بسيطه وبيخف عنك بس انت خليك قويه
جمانه: لا ما اريد احد يشوفني
أثير: انزين عندي حل البسي نقابك وبكذا تكوني قريبه من الي يحبونك والي كم ألمهم رفضك لشوفتهم
جمانه: بس شهد وصالح يراعون ظروفي
أثير: انت اليوم وبكره تقاومين رغبتك في انك تجلسين وياهم بس بعد كذا راح تملين وممكن يتعودون بعدك عنهم
جمانه: لا لا خواني يحبوني
أثير: انزين ليش تبنين الحواجز بيدينك
ابتعدت عني جمانه وخلتني اناظر وجهها ..ما غمضت عيوني لاجل ما تاخذ على خاطره..وعيونها اليسرى كانت مسحوبه لزويه جدا ضيقه لجهت اليمين وفمها اشعر انه وصل لاذنها كل معالم وجهها مالت لليمين..تقربت منها وبوست خدها وراسها
أثير: جمانه انت بنتنا لا يمكن احد يتشمت فيك او يشفق عليك هذا واجب انساني اخوي الدم يحكمنا ..والله راح يجازينا انت على صبرك وحنا على وقوفنا جمبك..حبيبي ترى البعيد عن العين بعيد عن القلب..وانت شوف الي حولك انا بعيده عنكم بس ما اعتقد انكم تحبوني تحترموني صح بس الحب هذا مو موجود بيننا
ردت لحضني وهي تقول: انت ليش تقولين كذا انت الي ماتزورينا حنا نزوركم كل اسبوع بس ما نشوفك على طول ملازمه حجرتك انت وريناد ..هي رغد وريماس الي نقابلهن
أثير: وعد حبيبي اظل وياك لين الله يقومك بالسلامه
جمانه: وعقب تريدن عند عمي عادل وتردين مثل قبل
[صدمني سوالها .. صح ليش انا اقحمت نفسي في جمانه وعالم جمانه.. وماادري شلون نطقت بالوعد الي من تو ..في اني اظل وياها.. بلعت ريقي توني استوعبت اني راح اشوف احمد كل يوم.. بصلح لها فكرتها في اني ماراح ابات عندهم بس دخلت عبير علينا]
جمانه: ماما عمتي بتبات عندنا لين اطيب..صح عمه
أثير: إن شاء الله
عبير بطيب خاطر: البيت بيتها وحنا ضيوف عليها
[ حطيت نفسي في معادله صعبه..أنا وأحمد وبيت أحمد..وكرهي لأحمد..واللحظات الي راح تجمعني باحمد..]

...~~~...

رغد[من سمعت الخبر وأنا ابكي جمانه حبوبه..ودي اروح لها بس اخاف اتكلم وافتح فمي واحصل نفسي بين يدين ماما ..تذكرت الضرب الي اخذته البارح وكرهت البراء كله بسببه الحقير..انا شو ذنبي هو الي ظل بحجرته لين نمت بالدولاب..هالنحيس الله ياخذه..ورديت اصيح وامسح دموعي عمتي الثانيه تركتني وظلت عند جمانه..بروح لهم..وقفت ومسحت دموعي بطرف كم البجامه وفتحت باب حجرتي بشويش وماشفت احد وبسرعه ظهرت وقفلت بابي ودخلت حجرت عمتي..سكرت الباب ورحت للتلفون..رفعت السماعه ودقيت على رقم جوال عمتي]
ـ هلا عمه وينك..وبدت عيوني تدمع وبديت اصيح..كنت اسمعها بس خفت وبسرعه تكلمت.. لا ماما ماضربتني.. لانك مو موجوده..الله يخليك ردي اخاف ماما تجي تضربني..وبعدين انا اريد اشوف جمانه أنا احبها
ـ انت تحبين كل البشر....... بسك دلع رغد ...يالله انت لا تنرفزين امك لاجل ما تضربك وبعدين خليك مع جدتك ..... خلاص انت صرت الحين بعصمة رجال خلك قويه..اوه تذكرت جدتك هني أجل خليك مع ماما..انزين رغد جهزلي كم غرض واهم شي بدلت الشغل ..ايه وارسلي مع عم محمد..اوه خلاص انا بكلم ماما انت لا تسوين اخاف امك تعشيك مثل البارح..يالله فمان الله
شهد: رغد ياحرام والله انهن نونو بس البارح طعلت تهبل
جمانه وهي لابسه برقعها: ايه والله توها نونو

...~~~...

أحمد: ياربي ما اقدر انام وبنتي بعيده عني
عبير: تبى تنام عند عمتها
أحمد: من متى عمتها اعتنت فيها لاجل تعتني فيها الحين
عبير: أحمد شهالكلام الي تقوله هذه وهي اختك حرص ولاتقول الي قلته قدام عيالك بتكون قدوتهم
أحمد: لا حول ولا قوة الا بالله اجل روحي ناديه اريدها شوي
عبير: روح لهن انت شفيك من جوا اهلك وانت معصب
أحمد: أنت روحي نادي جمانه الحين
قالها بنرفزه واضحه ..زرعة الشك في قلب عبير
عبير: انت ماتبي أهلك يبتون عندنا
ناظرها أحمد وهو فاتح فمه..وعقب علامات الأستفهام والتعجب من الطرفين..جاوبها
ـ انت صار لعقلك شي...بس انا خوفي ع لى جمانه مخليني متوتر
عبير: عادي حبيبي البنت وبتنام عند عمتها
أحمد: انا وصالح لما تجيها الحاله مانقدر عليها تبين أثير وامي يقدرون عليها
عبير: لو جاتها الحاله وهي عندهم اكيد بخبرونا لاتخاف حبيبي

...~~~...

ـ لا يبه خلاص الله مو رايد لنا نكون لبعض
ابو غسان: انزين شقول لعمك الحين هو الي كلمني
غسان: تصرف يبه أنا خلاص صرفت نظر عن الموضوع
أحلام: خلاص يمه بيكلمه ابوك لاتشيل هم.. أنا من البدايه قلت مني بموافقه
غسان وهو يوقف: يمه خلاص كل ما انفتح الموضوع رديتي لنفس الموال
قالها غسان بعصبيه وترك لهم المكان بكبره
ابو غسان: ارتحتي الحين زعلتيه
أحلام وهي مطنشته: ليـــان ليان وتبن
ابو غسان: الحين ليش تسبينها
أحلام: ترى انا كنت شايلتها ببطني ما اعتقد انك احن عليها مني
ليان[سمعت نقاشهم ..ابوي احن واحد علي وانا اموت عليه.. ترددت اروح ولا لا..اخاف اروح وامي تعاند ابوي وتهاوشني وابوي يدافع عني وتصير مشكله مثل دوم..سمعتها تناديني هالمره وشكلها حيييل معصبه..سميت بالله ورحت]
ـ نعم يمه
أحلام: وينك انت صار لي ساعه اناديك
محمد: وين ساعه توك ناديتيها
أحلام: يووووه وبعدين معاك انت حد مسلطك علي اف..ودت تكلم ليان..خالتك حصه بتجينا صلحي القهوه والبسبوسه
ليان: إن شاءالله يمه
أحلام: في شوكلاته اعتقد ولا قضيتي عليهم
فتحت فمي وأنا اناظر ابوي احتاج مساعدته الحين
محمد: الحين بروح اشتريلكم حلاوة جواهر تبين شي بعد
أحلام: ايه لو انا الي اقيله جيب ما تقوم لكن بنتك من نظره منها تكلمت وهزيت وسطك
هز محمد وسطه وهو يضحك: كذا يعني ما اذكر اني هزيت وسطي
أحلام وهي توقف: يووووووووه انت شفيك تخفف دمك
تركت لهم المكان وضحكوا عليها
محمد: لاتاخذيني على خاطرك يبه بس هي زعلانه لاجل غسان
ابتسمت لأبوي هو دوم الي يأخذ بخاطري

...~~~...

صالح [ جلست وأنا محتار..عذاري واهلها لازم يكون لهم وضع ثاني..مافي غير الوالد..وهو جالس قبالي وشكله بعد سرحان..غريبه الوالد من جات جدتي هي وعمتي وأحس انه مضايق.. ]
ـ صالح صالح
صالح: خير يبه
ـ شفيك اكلمك انا
صالح: سلامتك يبه بس كنت اسال العماره فيها شقه فاضيه
أبو صالح: ايه ليش لا يكون اخيرا عزمت تعرس
صالح: هههههه لا ابد بس في واحد يبيها وبيحط فيها حريم ماعندهن رجال
أبو صالح: لا يبه اخاف يكون ارهابي مثل شقة الخالديه الي بمكه
صالح: لا اعرفهن انا
ابوصالح: شلون
[ ترددت بس دام اني بسكنهن في عمارة ابوي لازم اخبره بالسالفه كلها..]
صالح: كنت رايح للجامعه وشفت سياره مسرعه ووراها دوريه وفجئه الباب انفتح وطاحت منه بنيه..وقفت ونزلت وشفت البنت حزنت عليها قلت شكلها تكسرت ولا ماتت..تقربت منها ووقفت وساعدتها خفت لا تجي الهيئه وتقبض عليها ما ادري بس احساسي كان يقول انه البنت محتاجه حد يساعدها..ركبت وياي بالسياره..وطلعت هذه اول مره تطلع مع شاب.. ولعب فيني الشيطان بعد ما اعترفت انها طالعه بارادتها بس صدمني شرطها..كانت تبى تبيع جسدها مقابل الف ريال وعقب خفضت المبلغ..سالتها ليش تبين الفلوس جاوبتني وليتها ما جاوبتني..يبه كانت تبى الفلوس لاجل تأكل اهلها الي مو محصلين اللقمه..يبه البنت هذه تجمع الي البنات يرمونه على الارض من فتافيت وتعطيه اهلها
أحمد: بسك يا صالح انا ناقص هم وانت تزيدني
صالح[سكت لاني بعد ما ودي اتكلم اكثر قلبي يتقطع من الداخل حنا عندنا بالسعوديه ناس هذا حالهم..يالله الفقر والغنى من عند الله..الحمدلله على نعمه علي ]
...~~~...


~نهاية الجزء الثالث~

 الــ ج ـــزء الرابع


صراع الألم والـ أنا ... صراع الوجود..همهمات تلتوي وتصرخ بين لكز العبرات..

أثير[هذه اول مره اشوف فيها جمانه وهي تصارخ بصوت متكهف..ناظرت حولي اريد احتمي بأحد شفت شهد جالسه على الأرض بزاويه الصاله..الخوف ارعش جسمها مثل ما ارعش جسمي..شهد بعدها صغيره عمرها 15 سنه.. حسيت ا نها بحاجه لي مثل ما انا بحاجه لأحد أكبر مني يضمني الحين..توجهت لها ومستكتها..كزت من الخوف]
أثير: بسم الله عليك
بلعت ريقها وناظرتني بمعنى شوفي..مسكت يدها ووقفتها..وظهرنا بره البيت.. ابتعدنا وجلسنا ع طرف القصر بزاوية ضيقه..يمكن نحتمي هناك يمكن احساس الخوف هو الي قادنا..
أثير[ ردت بي الذاكرة..غصب عني المكان والخوف والمشاعر المتضاربه هي الي ردتني ..هنا وفي مكاني كانت جالسه طفله صغيره .. وانا كنت واقفه هناك عند الباب الخلفي للحوش انتظر اغراض بترسلها لي بنت جارنا وصديقتي في نفس الوقت..فتحت الباب واخذت الاغراض من الشغاله وسكرته ولقيت خالد خلفي.. بعلت ريقي..الخوف ذبحني منع كل حركاتي والجم صرخاتي.. انقض علي مثل البهيمه.. للحين اشم ريحته النتنه للحين اشوف عيونه الحمر الخبيثه.. للحين احساس الخوف يراودني.. للحين كرهي له يزيد اكثر وأكثر]
ـ عمه شفيك
[قالتها شهد وهي تهزني لترجع بي لواقعي ولمر ذاكرتي الي ردت لي الحين بكل روائحها النتنه.. اكره خالد واكره احمد واكره البنت الصغيره]
أثير: سلامتك حبيبي ما بني شي
شهد: خفتي من جمانه
أثير: احس اني مكتومه يمكن لاني مانمت تمام اليومين هذه
شهد: تعبتي عندنا وتبين تردين عند عمي عادل
أثير: لا حبيبي بس انا متعوده انام كثير وانتن هنا ماقصرتن كل ما غفت عيني فتحتن سالفه..ما شاءالله عليكن مثل رغد وأنا اقول رغد طالعه لمنو
شهد: عادي حنا نسولف اكثر من كذا بس الحين جمانه تعبانه
نغمت الجوال اربكتنا وخلتنا ننتفض..وعقباها ضحكنا
شهد: هههههههههههه مو انا هذه جمانه هي الي سرقة الجوال
أثير [تفاجئة ابد ما جاء ببالي انهن نبشن في جوالي]
شهد: والله هي قالت خلينا نشوف شعندك من رسايل بس مالقينا غير عزيزي العميل شكرا لتعاونك وعزيزي العميل تم اصدار فاتورك
أثير: ههههههههههه ياللقافه ذابحتكن يا بنات احمد
شهد وهي تناظر الجوال: هذه رغد ارد
أثير: ردي
شهد: الو...هلا ...نعم...خير...يعني منو ..عمتك يالخبله...يالله تكلمي بسرعه لا اصكك بكف..يـــــه قولي والله...هههههه توك عرفتيني ههههههه ما تريد تكلمك خلاص نستكم...اتزين خذي كلميها

...~~~...

ليان [ دخلت بيت صحبت امي وانا قمه في الغضب..اعرف الوالده ليش جابتني هنا..جابتني هنا لاجل تعرضين على صحبتها لاجل تخطبني لولدها.. ماتعرف امي انها بـهالحركه جالسه تخدش في كبريائي..تشعل النار بصدري.. هذه العائله لما كنت صغيره كان ولدهم الي امي حاطه عينها منه كان يتريق علي وكان يخلي كل أولاد الحي يتريقون علي..
زيد: يوه الطرشه جات يالله شكلها حلوقنا راح تجف اليوم وحنا نسولف...هيييييي انت روحي لامك مانبي هبل معانا
غسان وهو يضربني: روح لامي وجع بشكلك..
رديت لأرض الواقع بلكزه من امي]
أم غسان: ليان ام زيد تكلمك
ناظرت لها وتهت ما عرفت شو ارد لاني ما سمعت هي شو قالت بالاصل
أم زيد: شلونك ليان وينك من زمان ما شفناك
ليان: الحمدلله انا بخير
أم غسان: إلا شلونها هيام
أم زيد: والله هيام بعدها نايمه ماصحت تعرفين اجازه وكيف النوم مخربط فيه
ليان: انزين اسمحولي انا برد بيتنا
ام زيد: براحتك
ليان [وقفت وأخذت شنطتي وشفت النظرات القاتله من الوالده بس شسوي ما اقدر اجلس هنا دقيقه وحده وأنا احس اني مثل الغنمه في سوق الغنم وأمي تحرج علي..ظهرت من فلتهم ومشيت بالحوش شفت هيام وهي ظاهره من الديوانيه وخلفها رجال طويل بس شكله هذا زيد..أنا لي طيله ما شفته وأنا اكرهه كره العمى..وبعدين هيام هنا وامها تقول نايمه يالله يا امي الله يهديك كذا تذليني]
زيد: هيام يالخبله عندكم ضيوف وجالسه عندي
هيام وهي ترد تدخل الديوانيه: وجع تعال ادخل لين تظهر
زيد: الله يقلعك فضحتيني رخي صوتك
صوت زيد كان منخفض بحيث محد يسمعه غير هيام ..بينما صوت هيام كان عالي وكانها تقول سمعي يا ليان
هيام: هذه ليان الطرشه معليك فيها
ريد: أوه شو جابها
هيام: امها تلمح لامي لها مده..وامي مستحيه منها فمخذتها على قد عقلها
ليان[سمعت حوارهم كله وزادت السكاكين بصدري..ليش يمه ليش تذليني كذا..حرام عليك يمه والله حرام..أنا في شو مأذيتك لاجل تبين تتخلصين مني..والله حرام عليك يمه .ظهرت من بيتهم وانا ما اشوف طريقي..كلمات هيام وزيد عني بهالطريقه جعلني في عالم ثاني..عالم كله رمادي وأسود..دموعي ماتصف الجرح الي فيني..دموعي تضحك علي مثلهم..مسحت دموعي وماحسيت غير بضرب قويه على رجلي..وتزامن معه الم شديد جعلني اتوه بأهات الألم والحقد.. طحت على الارض وطاحت غطوتي عن وجهي]
ـ اختي صار فيك شي
قالها ولد صغير عمره تقريبا 14 سنه وعقبها ركب سيارته وشرد..الحي كان فاضي وأنا طايحه بالشارع..
زيد: حسبي الله ونعم الوكيل أنا صوت البوري سامعه وأنا بالديوانيه وقلبي حاسس انه صار فيك شي..امك شلون تخليك تظهرين بدونها..وانت ما تسمعين..
[رفعت وجهي وناظرت زيد هـ الي ربي قدرك عليه..غطيت وجهي ووقفت..ظل مثل ماهو جالس ويناظرني]
ـ ليان شالي صار
[ هذا ابوي فرحت وكان ودي لو ارتمي عليه بس ألم رجولي مثبتني بمكاني ]
زيد: سياره صدمتها وشردت
محمد وهو يتجه لبنته: يبه ليان انت سليمه
[من تقرب ابوي مني ارتميت بحضنه أبكي كل مشاعري تألمني كل جسمي يألمني مأ اعرف أيهم اخف..بس الي اعرفه انه قلبي ينزف بسبب أمي]

...~~~...


رغد [ قلبي يدق طبول عمتي وصلت عندنا وصوتها يلعلع في البيت من الصراخ.. ياويلي من ماما ان قالت اني انا الي فتنت..كان ودي لو اسكر الباب علي بالمفتاح بس ماما ماخذه المفتاح..وبعد قلبي ياكلني ودي اروح أشوف شو الي جالس يصير..رجليني تسحبني وتقودني لهم وأنا من داخلي أصارع رغبتي بي اني أروح وأكون قريبه من الحدث وبين أني اضل لأجل سلامتي]

أثير وهي تصارخ: خذيتوها فرصه ولعبتوا لعبتكم من وراي..أنا قلت لا يعني لا هـ الزواجه ما راح تتم لو على جثتي
الجده: أثير يا يمه كبري عقلك وخليك عاقل
أثير: ليش أنا الي لازم أكبر عقلي ليش مو هم الي لازم يكبرون عقولهم..وردت تناظر لبنه وكملت وهي ودها لو تعصر لبنه بين يدينها: أنتِ هذه لعبتك من البدايه وأنا حاسه فيك غيرتك على عادل هو الي يخليك تسعين وراى هـ الزواجه.. ماما اصغر عنك وأحلى عنك بس هذه زوحة ابوه تعرفين شو يعني زوجة ابوه
أم أثير وهي معصبه: أثـــير انت شو تقولين لمي لسانك
أثير: ماما اسمعيني ترى هذه جالسه تلعب براسك تريد تشتتنا تريد تبعدك عني..ماما انت كم عمرك لاجل تفكرين بالزواج أنت مافكرتي فيه وانت شابه والحين جايه تقولين موافقه..ليش إذا مضايقك هـ البيت أنا قلتلك مره واثنين وثلاث ولين نشف ريقي وأنا اقولك تعالي نظهر في بيت بروحنا لانثقل على احد ولا احد يتحكم فينا
الجده: يمه اثير شهـالكلام الي تقولينه
صرخت في امي مزنه: انت مالك شغل انتوا ظليتوا على راسها لين قالت آمين
أثير[حسيت بكف على وجهي..عرفت صاحبة الكف ما نظرتها.. غطيت وجهي وخذيت عمري وظهرت من البيت ركبت السياره..ماما ضربتني ليش..ليش.. هل أنا اخطأت ولا هي الي لعبوا بعقلها لين قالت آمين ]
العم محمد وهو يركب السياره: اردك بيت أحمد
تكلمت وأنا ضايعه: وديني لأمجد
العم محمد: أسير يابنتي في حاآه مامتك زعلتك
أثير: الله يخليك وديني لأمجد وبس
العم محمد: حاضر

...~~~...

رغد [انفتح الباب على مصرعيه..وبلعت ريقي وأنا ارتجف ماما داخله والشر يتطاير من عيونها..خذت العلاقه الخشبيه الي معلقه على الشماعه.. وقبل لا تضربني جلست اصرخ وابكي..]
ضربت لبنه رغد كمن ضربه وحست برغد تشهق شهقات مب طبيعيه راحت للمغسله وحط ماي بفمها وردت لرغد تبخها..
عادل وهو داخل الحجره: شفيها رغد
لبنه وهي خايفه: ما ادري
تقرب منها عادل وضمها: رغد بابا شفيك بابا كلميني
صرخ عادل على لبنه: شفيها رغد
لبنه وهي خايفه: ماادري ما ادري تعال نوديها المستشفى
صرخت رغد ورد عادل حضنها وهو يسمي عليها..لين هدت

...~~~...

عابد وهو يصارخ: يمه صالح بيخرجنا معه للبحر
عذاري[ صالح هني ياااااااه كم اشتقت له..ولسماع صوته.. وقفت جمب باب المطبخ ولصقت اذني في الباب لعل وعسى اسمع حسه ]
محمد وهو يظهر من الحجرة وتوه صاحي: صالح هني ليش ما خبرتني
وركض للمغسله يغسل وجهه
عابد: عذاري امي وينهي
دخل علي وهو مستانس حده
عذاري: راحت بيت ام سالم تكوي لها ليش
عابد: اووف ياربي صالح هني وجاء ياخذنا للبحر
عذاري: انزين امي الحين تجي خليه يتفضل
ظهر عابد بسرعه..ومطبخنا نافذته تطل على الشارع..شغلت الراديوا وجات هـ الاغنيه الي طربت بكل أحاسيسي

صدفه ومن بين كِل الناس علاقني
من يوم شفته وعيني جات في عينه
حسية شي في عيونه حيل يجذيبني
لما ابتسم بانت بوجهي تلاوينه
سلم علي وجلس جمبي وكلمني
كل الحواجز تلاشت بيني وبينه
اخذ يديني بيديه وقام يوصفني
ولا تمنيت يديني تترك يدينه
قالي كلام بصراحه حلو دوخني
ما قد سمعت بحلاته آه يازينه
معاه أحس الأغاني عنه وعني
وأجمل أغاني الغزل شعري وتلحينه


دخل محمد وهو معصب: هيييي ليش رافعه الصوت وبعدين صالح يقول الأغاني حرام ليش تسمعين أغاني بخبر عليك امي تسمعين أغاني وترفعين الصوت الي ظاهر للشارع
[خفت عز الله امي بتذبحنب اليوم..وصالح اخذ مني موقف سيء اليوم..جلست ودمعتي طاحت على خدي]
محمد: خلاص عذاري لاتبكين ما راح اعلم عليك امي
[ما اهتميت كثر ما كان اهتمامي انه صورتي مهزوه قدام صالح من قبل والحين كملت وخليته يتاكد اني انسانه بايعت هوى.. سمعت حس امي وقفت بسرعه وغسلت وجهي وقربت اذني من باب المطبخ ]
ام عذاري: والله أخاف انهم يأذونك
صالح: لا تخافيني ياخاله هذيل رجال وعقال
عابد: ايه يمه الله يخليك خلينا نروح والله عمري ماشفت البحر وهو عندنا
ام عذاري: عابد يمه ما يصير نثقل على الرجال
صالح: أفااااا الحين تعدوني غريب عنكم وأنا الي اعتبرتكم اهلي
أم عذاري: والله احرجتني بكلامك بس تعرف سوي الي تريده
صالح: مشكور ياخاله وكلها كمن ساعه وبردهم لك
أم عذاري: اعرف انك احرص عليهم من مني وانت اخوهم الكبير والله ييسرلك امرك ويهدي سرك ويوفقك ربي دنيا واخره
صالح وهو يمسك يد عابد ومحمد: توصي شي يا خاله
أم عذاري: اوصيك على نفسك وعسى الله يجعلك رضي بامك وأبوك
صالح: فمان الله
ظهر صالح من البيت ومعه محمد وعابد
عذاري [ ابتعدت عن الباب بسرعه اخاف تجي امي وتشوفني وتسمعني كمن كلمة.. جلست بزاويه وفتحت الدرج وخرجت دفتري الي اخط فيه مشاعري الي ما ادري شو صار فيها عمرها ما كتبت وقالت شي والحين اجدها تجبرني بالبوح لـ حبر و ورق]


تمتمة مسائية
قمر وليل وزهر وبحر
وأنا
وحلم ينزفني بآهات لحنك الغائب
دمعه تضرب بي أشواق ذلك المرسى
وتعتريني لهفة جنونية
تهز أعماق دواخلي
أبحر في خارطتك
ابحث بين أسطرك
كلمة ح ـب
زمن حروف المشاعر الوفية
لوحة فنون تضخ نبض الجنون
\\
//
\\
لحظات أنتظر تجسد عبراتك
لأستفيق وأجدني مليئة بالأماني والخيالات المتمردة

...~~~...

صالح[جيت اليوم بعد صراع مع نفسي العائله هذه تجبرني اني اقحم ذاتي فيها ..ظروفها مآسويه..الابو المعزور والأخو المطلوب..ياااااااه ما اصعبها هـ الدنيا..جمانه تعاني هناك وعائله تعاني هنا.. وفي كل مكان أكيد المعانه موجوده ومخفيه بين حيطان.. محمد وعابد..المستقبل هل راح يبتسم لكم ولا المجمتع راح يحكم عليكم بالاعدام ..يااااااااااااااه ليش الناس تحاسب بعض باخطاء غيرها..]
محمد: صالح ترى انا قلت لـ عذاري حرام الاغاني وقلت لها بعلم امي ليش انها كانت معليه الصوت وبس رحمتها لانها جلست تبكي
صالح: الله يهديك ليش خليتها تبكي يالله لا تعلم امك
محمد: ايه لم شفتها تبكي قلت لها مني بمعلم امي
صالح: ايه كذا انت زين ..تبون ايس كريم
عابد وبسرعه نطق: ايه
محمد وهو يعطي عابد نظره تسكته ..بمعنى بعلم عليك امي: لا تسمع كلامه ما نبي شي بس نبي نشوف البحر
صالح [انتبهت لحركة محمد وما حبيت اعلق عليه..خلهم يعلمون بعض ويربون بعض..بس بشتريلهم ايس كريم بطريقه ثانيه...ابتسمت غصب عني عذاري صارت تحمل لي مشاعر وانا متاكد من هـ الشيء بس انا هل احمل لها مشاعر..وهل راح احمل لها مشاعر غير مشاعر العطف والحزن على ألم عيشتهم..ما اعرف بس احس انها ما تناسبني لا من قريب ولا من بعيد..لازم اتصرف بسرعه وانقلهم للملحق الي بعمارة الوالد لاجل ابعد عنهم قبل لا تتولد مشاعر اكبر في عذاري ]
صالح: وهذا البحر شرايكم فيه
عابد: وين وين
صالح وهو يأشر قدامه: هناك
وتقدمت السيارات وبان البحر للصغار محمد وعابد
عابد: يالله شكبره
محمد: هييييي قول ماشاءالله لاتحسده
صالح: ههههههههههههههههههههههههههه ايه قول ماشاءالله لاتحسده اخاف نجي بكره ونشوفه بر
عابد بخوف: ماشاءالله تبارك الله
صالح [مت من الضحك عليهم ...أفكارهم جداً بريئه..تذكرت البراء الي هو بعد محتاج أني اكون قريب منه..يالله لم اوصل هذيل بروح للبراء.. بس غصب عني احس بشيء في صدري ألم حزن حنين..ما اعرف شو بالضبط ]

...~~~...
...~~~...

الجده وهي عند باب القصر: السلام عليكم
أثير[وقفنا ورحنا لها وسلمنا عليها بس سلامها كان بارد لي ..صار لي يومين وأنا ما اكلمهم ولا ادق عليهم..وماما بعد نستني شكلها جالسه تستعد لفرحها هذا اذا ماكان صارت الملكه وانا اخر من يعلم]
الجده وهي تجلس: انتوا اذا ما سألنا ماتسالون
عبير: والله يمه نعرف اننا مقصرين بس ظروفنا شوي هـاليومين
جمانه: ماما لا ترمونها علي الحين
الجده: شلونك يمه جمانه الحين ان شاءالله احسن عن قبل
جمانه: الحمدلله يمه انا بخير
الجده: شهد شخبارك يمه ورغد تسلم عليكن السلام الكثير
شهد: الله يسلمها يمه شلونها مابقي على عرسها غير ثلاث اسابيع
الجده: والله مها مو مقصر معها كل يوم وتاخذها لمكان
أثير [ حسيت بألم.. امي مزنه ما تكلمني وشكلها شايله علي..وتذكرت رغد الي وعدتها اكون وياها لين تروح بيت زوجها..أعرف ماما في امور تخجل منها أكيد بتورط رغد في زهابها.. ياربي لازم اوقف مع رغد واجهز لها.. انا هنا ضايعه..احس بالغربه..محد يسأل عني انا وين أروح ولا شو الي مأخرني..من أظهر من شغلي من البنك أروح لـ امجد واظل عنده لين تنتهي الزياره وأرد هنا..ولا أحد يسالني عن سبب تأخري..حتى ماما الي المفروض انها تدق تطمن وصلت البيت ولا ماوصلت نستني وهي بعدها ماتزوجت..اجل لو تزوجت ما راح تشوفني غير بالاعياد.. وقفت وطلعت حجرة جمانه الي صرت اشاركها الحجره أنا وشهد..انسدحت على السرير..وانا في تضارب بين افكاري ومشاعري ما بين الحزن والألم والهجران..وعدم اهتمام اهلي فيني..ما اعرف جو ببالي بنات عادل..بنات عادل امي مزنه ردت لهناك لاجل بنات عادل لانه بنات عادل محتاجين صدر حنون بينما جمانه وشهد ابوهم وامهم وصالح مو مقصرين فيهم..وأنا شنو.. أنا شنو ضعت هنا ضعت في هـالسوال أنا من أكون وليش حياتي مهي مرتبه ليش رغم الترتيب الي فيها اجدها قمه في البعثره..]
ـ عمه انتي نمتي
عدلت نفسي وانسدحت على جمبي الأيمن: لا حبيبي ليش
[ تقربت جمانه مني وانسدحت جمبي وشالت برقعها عن وجهها ودخلت وجهها في صدري تخفي معالم وجهها عني هذه هي جمانه ما تحب احد يشوفها وحتى لاجات تنام تظل ببرقعها..وما اشوف وجهها غير لما اعمل لها مساج طبيعي واحط على وجهها عسل .. بس غريبه الحين شايله برقعها ]
أثير: جمانه شفيك
جمانه: زعلانه
أثير: ليش
جمانه: ماما وشهد اقولهم روحوا زورن ليان وهن رافضات بيظلن عندي بس انا بكون مع بابا وصالح
أثير: انزين منو طلعك لهنا
جمانه: انا طلعت بروحي بس جريت بسرعه والله احس شي يراقبني للحين
أثير: تعوذي بالله من الشيطان الرجيم
ظلينا ساكتين انا افكر في جمانه ...وما اعرف جمانه في شو تفكر .. بنات أحمد رغم هدوءهم إلا انهن في البيت شي ثاني سوالف وضحك ولعب..تذكرت ليان
أثير: شفيها ليان
جمانه: صار لها حادث وانكسرت رجولها
أثير: متى وليش ما يخبرونا
جمانه: والله انا كنت اظن عندك خبر ليش ما سمعتيهم هناك ببيت عمي عادل غريبه رغد ما خبرتك مو من عوايدها
أثير: لا وشلونها الحين ليان
جمانه: امي مزنه تقول انها بخير بس رجلها اليمين تكسرت
أثير: شلون صار الحادث
جمانه: تصدقين ما اعرف بس زعلت منهن وطلعت
شهد وهي تدخل الحجرة وتقرب : جمانه حبيبي خلاص بنروح بس لاتزعلين
جمانه: شهد لاتنسين خذي لي ليان القصص الي نزلناها لها من النت خلها تتسلى
أثير: أي قصص
شهد وهي تنط وتجلس على السرير: هذه قصص خليجيه مكتوبه في منتدى الم الإمارات نقراءها ونحطها في ملفات ورود ونعطيها ليان لانه غسان ما يخليها تدخل النت
جمانه: شهد شوفي بعد emelyaamalنزلت شي جديد ولا لا
شهد: لا ما نزلت شي للحين شكلها تتمشى في هـ العطله
أثير [كنت اسمع حوارهن إلي خلاني أعيش بذهول .. بنات أخوي يقرأن لي..ويهتمن أنا شو أكتب.. ما اعرف هل أصارحهن ولا اخلي شخصيتي إيميمجهولها لهن..تذكرت أختيana alamal الحبيبه والي دوم نسولف مع بعض أفتقدها الحين بسبب ظروفها ..ما أقول غير الله يقويك ويعطيك العافية..ابتسمت غصب عني يوم سمعتهن يسولفن عن قصة صاحب الظل الطويل ]
جمانه: عمه شرايك تقرينها والله انها تهبل
أثير: أنا ما أحب أقراء قصص
شهد: انت جربي اقرائي قصه في ألم والله كلها تهبل
أثير: بس أنا ما احب أقراء قصص غصب هو
جمانه: مو غصب بس اخاف تقرين وحده ونشوفك مثلنا مدمنت قصص
شهد: هههههههه وأخاف تضاربينا على النت
أثير [جمانه وشهد خذتهن السوالف وغاصن في القصص..ورديت أنا صح ليش ما احب اقراء قصص مع اني اكتب قصص..احترت في امري ..والله صدق ليش ما احب اقراء قصص هي قصه وحيده الحين اتابعها لانها تفطس ضحك ..احترت وضعت في هـالسوال؟؟؟؟!!! ]
ـ انتن هني امي تسال عنكن
قالها احمد بأسلوب جاف وظهر..عرفت انه مثل ما انا مني بطايقته هو بعد مهو بطيقني..رديت لإحساس الضايع الي كنت فيه
جمانه وهي توقف: عمه ما بتنزلين
أثير: لا بنام من صحيت الفجر للحين ما نمت

...~~~...

البراء [وقفت قدام مراية المدخل اعدل شماغي وعقالي..امي اشترت هديه لـ رغد ودبستني بالموضوع..اوووف الحين هـ الرغد تعرف للهدايه والسواريه الي تقول عليه الوالده.. والله كان جبت لها سيدي ولا ميموري كادر اربع قيقا وسجلت فيها ست لعبات وعقب اخذه منها لما اتزوج.. شي يفيدني بدل هـ الخرابيط ]
غالية: انت بعدك تتلبس
البراء: خلصت
غالية: ما يحتاج اوصيك الركاده زينه لا تفضحنا مع عمك
البراء [مافهمت شي من الي قالته الوالده بس جاوبتها]
ـ إن شاءالله يمه أوامر ثانيه يمكن نسيتي شي مني مناك دوري بجيبك يمكن بعد في شي دخل فيه
غاليه: ههههههههه لا اكتفيت
البراء [بوست راس امي وظهرنا مع بعض ..خرجت من بيتنا ودخلت بيت عمي وحسيت بخوف..وجع وجع وجع ظليت اسب في عمري الحين رغد تربكين وانا شطولي واش عرضي . وذيك النتفوفه تربكني والله لا اخليها تندم على فعلتها]
لبنه وهي ظاهره من المطبخ: هلا والله بزوج بنتي
غاليه: هههههه من الحين نسيتيني وانا اختك
لبنه: انت الخير والبركه
وتقربت منهم وسلمت عليهم.. جلس البراء جلسه قائمه ورجله اليمين ما وقفت هز من التوتر الي هو فيه
غاليه: إلا وين رغد ما اشوفها مو بالعاده
ام اثير وهي نازله وماسكه رغد بيده: المفروض انكم ماتشوفونها لين يوم الزواج لاجل تطلع لها طلعه
غاليه: انا ما اصبر عن رغد كل يوم وهي ناطه عندي والحين ما تنشاف
رغد[نزلت وانا مجبوره اخاف من ماما تضربني.. تقربت من خالتي غاليه وسلمت عليها انا احب خالتي غاليه اكثر من ماما بس الحين ما احبها اكرهها ليش انها زوجتني ولدها ..اخخخخ يا ولده يالدب اكرههك انت بعد ]
ام اثير وهي تمسك رغد وتوديها عند البراء: وهذه زوجتك
وقف البراء وباس راس خالته ام اثير ورد جلس بسرعه
ام اثير جلست رغد بنفس الكنبه الثلاثيه الي جالس عليها البراء..وتركتهم وراحت للجلسه الثانيه تسولف عند الحريم
البراء: هيييي انت وين نمت ذك اليوم
رغد: مالك خص انام وين ما انام كيفي
البراء: كيفيك عند ابوك اما عندي غصب بتتكلمين وين نمتي
رغد: ايه صح يالذكي تشتري مجلة الحلول وتقول انك تعرف تحل الغاز والله بفتن عليك عند شهد وجمانه
البراء: رغوودوه احسلك لا تدخلين حجرتي ترى بتاخذين علقه هـ المره مني
رغد: هههه والله عمي هو الي راح يضربك واصلا انا ما اتنازل ادخل حجرتك الي زي وجهك يا وجه البطاطس
البراء: اجل ليش دخلتي عندي وانا نايم
رغد وهي ناسيه السالفه: متى؟؟؟
البراء: ذاك اليوم
وتذكرت ذاك اليوم بكل ما فيه: مالك خص كيفي
البراء: كيفك في عينك هيييي احترميني أنا زوجك الحين
رغد: عساك بالزجه قول امين
غاليه وهي تقطع حوارهم الي كان بصوت منخفض: يالله لبسها واظهر خلص الوقت بنروح لـ ليان
البراء [شفت نظرات رغد الي كلها شماته والتشميقه الي اكرهه من هـ البنت..تحلم البسها ..وع وع مالت عليها]
غاليه: يالله ياالبراء لبسها خلينا نصوركم وبعدين تأخرنا كثير على أحلام مافينا على لسانها أخاف تاكلنا
أم اثير: عمتِك قالت انها خبرت بيت أحمد البارح واليوم بيروحون لهم
لبنه: بنتك رايحه
أم أثير: والله مدري عنها
غاليه وهي تكلم البراء: اشفيك تناظرها لبسها
البراء [تقربت من هـ الرغد وأنا ودي اخنقها من الغيض الي فيني..الحين كل المشاكل بسببها.. بس احس اني توترت لما قربت منها وهي قربت راسها مني..وجع وجع الحين لين قريب وأنا اضاربها والحين كذا توترني هـ الحماره.. ]
رغد بصوت منخفض وباسلوب منرفز للغايه: مشكوره وكل يوم وانت جاي جيب لي شي ولا ما راح اخليك تشوفني
البراء [هـ الخبله تظن اني ميت فيها وع وع مالقيت غيرها]
ـ هييي ترى من زينك كل يوم وانا طاب عليكم اصلا ارتحت منك هـ الاسابيع ومن شوفتك ورجتك
رغد: لا تفرح كثير لانها كلها ثلاث اسابيع وأنا بجي عندكم تعالي اريد حجرة نومي مثل حجرتي الي هنا..واريدها قريبه من حجرة عمي وخالتي ..وانت خلي حجرتك في الحوش لاني مني بحابه اشوف رقعت وجهك هناك لانه صار بيتي عمتي كذا قالت
البراء: مالت عليك انت وعمتك والله بخليك تنامين في ملحق الخدم
غاليه وهي تقاطعهم: ما خلصتوا اسرار يالله تاخرنا
وقف البراء وهو يناظر رغد ورغد تناظره وهي تبتسم لانها عرفت شلون تنرفزه
ظهر البراء عقب ما سلم..وظهرت ريناد وهي ترسم ابتسامه شيطانيه على وجهها..
ريناد وهي تجلس جمب رغد: تعالي يالخبيثه خبريني شو قالك
رغد: أسرار عائليه
رمت جملتها بحسن نيه بينما الكل اخذها من منظور ثاني
ريماس وهي تجلس قبال رغد وتناظرها باشمئزاز: مالت من زين اسراركم
ريناد وهي تكلم رغد: معليك فيها خبريني شو قالك
رغد وهي تناظر ريماس وتناظر امها وأم اثير وخالتها غاليه..حست بالخوف والإحراج.. وتوها استوعبت انها زوجة البراء وكلمة زوجة هي الي اخجلتها وخلها تورد رغم جهلها التام لهـ المعنى..
غاليه وهي تلبس غطايتها: ريناد اتركي البنت بحالها عيب هـ الحركات
ريناد: هههههههه ما قلت شي
طلعن الحريم من هنا لاجل يزورن ليان..ومسكت ريناد رغد وهي تقول: يالله بسرعه قولي شو قلتوا
ريماس: شو يقولون ما عندهم غير سالفة الضرب الي خذوها
رغد وهي معصبه لانه ريماس بس تفكرها بالضرب الي خذته التفتت لي ريناد وهي تقول
ـ قال انه يحبني ووده كل يوم يزورنا ويشتريلي كل الي اباه وبعد وده يخرجني ويمشيني بس يخاف بابا يقوله لا
ريماس وهي غيرانه: قولي يخاف ياخذلها ضربه
رغد: هذاك اول بس الحين انا زوجته لو ياخذني للقمر محد يقدر يقول شي
ريناد: ههههههه وأنا الي كنت شايله همك وقلت بعلمك سوالف المتزوجين طلعتي استاذه شكلي انا الي بجيك قبل لا اتزوج واخذ كورسات عندك
رغد وهي تضرب على صدرها: ابشري بعلمك كل المصطلحات
ريناد فتحت فمها بذهول وعقب فطست من الضحك وريماس عصبت..اما رغد فظلت تضحك على ضحك ريناد..حست بعمرها مستانسه حيييل من زمان ما سولفت ولا ضحكت..
ريماس: هييييي بلا قلة ادب
ريناد وهي تمسك ضحكتها: رغد معليك تعالي الي شو احساسك وهو قريب منك
ريماس: مالت هذيل يعرفون للاحساس
رغد: خليت الاحساس لك ولـ غسان الي رفضك
وقفت ريماس وهي معصبه وراحت تضرب رغد..وريناد ميته ضحك على خواتها..رغد صاحت شوي وعقبها تشنجت..
ريناد وهي تصارخ على ريماس: حسبي الله عليك شو سويتي في البنت
ريماس: تستاهل
قالتها وتركتهن وطلعت حجرتها وهي خايفه
ريناد تقربت من رغد وجلست تسمي عليه وراحت جابت لها ماي وغسلت وجهها وأسقتها..

...~~~...

أثير [جلست جمب ماما وانا منحرجه منها وزعلانه في نفس الوقت بس قلبي ما يطاوعني اخليها زعلانه مني ..فقلت لها بصوت منخفض]
ـ ماما انا اسفه
أم اثير: مو وقته الكلام
أثير: انزين شلونك
ام اثير: الحمدلله
مسكت وجه ماما واجبرتها تناظرني: انزين انت زعلانه
أم اثير: لا
أثير: بعدك تبين تزوجين
أم اثير: انت شايفه انه المكان مناسب نتناقش فيه
أثير: انزين بجي وياكن ونتناقش هناك
أم أثير: بدون ما تغلطين على احد
أثير: حسب
أم أثير: اجل خليك ببيت اخوك احمد
أثير: لهـالدرجة كرهتيني وهذا وانت بعدك ما تزوجتي اجل لو تزوجتي ما راح تذكريني
[ قلتها وانا معصبه ودرت بوجهي اخاف ابداء اغلط وترتفع اصواتنا مو ناقصين فضايح..قدنها أحلام ما تصدق تسمع إلا وتنشر موجز مبهر بعد..حسيت بيد ماما علي يدي وفهمت انها تباني اناظرها..ناظرتها وما حبيت نظراتها ولا احب افهمها..]
ام اثير: انزين تعالي ويانا نتفاهم
حركت راسي وأنا اقول : إن شاء الله
[ وقفت بعدها ورحت جلست جمب ليان ..شارده من نظرات ماما ومن كلامها..ما ودي التقي فيها بخصوص هـالموضوع.. صعب جدا اني اتحمله.. الناس وكلامهن وأنا الي هـ الموضوع من أصله قاهرني ومعصبي..ليش يا ماما حرام عليك ..كله من هالنسره لبنه هي الي ظلت وراها لين اقنعتها تأخذ أخوها [خال البنات الي عمره 39]]
شهد: عمه ليان تكلمك
[ناظرت ليان ..وابتسمت غصب عني.. انا ما اطيق هـ البنت ولا احبها مثلها مثل امها]
ـ نعم
ليان: ابد سلامتك
شهد: اشفيك مو من شوي كنت تكلميها عادي كلميها ترى عمه حبوبه مو مثل ما كنا نتصور
اثير: شلون كانت الصوره إن شاءالله
شهد: الظهر انك معصبه واحسلنا نسكت
[احرجتني شهد..وحاولت قدر المستطع اضبط اعصابي]
أثير: مرهقه وودي أنا
شهد: شفيك بس تنامين ماشاءالله عليك
أثير: أنا احب النوم
ليان: وأنا بعد احب النوم
شهد: لا والله لو نمت كثير يومي بيخلص وأنا ما لحقت العب فيه
ليان: والله لو عندي احد اسولف وياه عادي اظل صاحيه.. انا يا نايمه يا اشتغل بالبيت ولا اعيد وازيد في القصص لين ترسلون لي مجموعه جديده
أثير: ليان ليش ماعندكم نت
ليان: عندنا بس غسان ما يخليني امسكه ومو مادد لي خط
شهد: ليش مايخليك خبريه انك ما تدخلين دردشه وانها بس منتديات الي تدخلينها ولا اقول خبريه انه بس منتدى ألم إلامارات الي تدخلينه وخليه يشوفه اتحدها يمنعك لأنه منتدى جدا محافظ
ليان: خليك منه هذا مريض نفسي يغار علي ومانع عني كل شي حتى التلفون مايخليني ارد عليه
أثير[صدمني غسان .. بس لانه هذه سواته فيخاف على اخته]
أثير: ليان إلا شلون صارلك الحادث
نزلت ليان راسه وردت بذاكرتها لذاك اليوم الي صار فيه الحادث وشلون انطعن قلبها بيد أمها ويد زيد وهيام..نزلت دمعه أجبرت أثير وشهد على السكوت

...~~~...

 الــ ج ـــزء الخامس

شهد: جمانه احس ليان فيها شي مو هي ليان الي اعرفها
جمانه: خير شوفيها
شهد: ما ادري بس عمتي لما سالتها كيف صار الحادث لو تشوفينها كانه أحد عطاها كف حد قالها شي قاسي
جمانه: يمكن امها ولا غسان
شهد: جايز اصلا امها هذه الله يستر منها
جمانه: يالله ليش ما حاولتي بعمه تجي ترى اخاف تتركنا
شهد: لا هي امها اشتاقت لها فبكره راده هي وعدتني ترد
جمانه: ممم تعالي ما تلاحظين شي
شهد وهي تفتح الشبس: مممم
جمانه: انه بابا وعمتي ما يتلكمون غير بالضروريات
شهد: عمتك هذه رسميه زياده عن اللزوم واكيد بتكون رسميه
جمانه: والله كل ما نعيش اكثر نشوف اكثر
شهد: خذي كلي شوفي جسمك شلون ضعف
ام صالح: والشبس هو الي بيقويها يا عيني
شهد: ههههههههه ماما انتي صاحيه
ام صالح: انت شو تشوفين
جمانه وهي تنسدح جمب امها: يالله انا بنام بالنص مالي شغل تعودت انام بالنص
شهد: ياربي على الدلع
جمانه: كيفي اصلا عمه قالت لي طال ما انتي تعبانه خذي حقك في الدلع واطلب الي اباه وو
ام صالح: بسك حبيبي اريد انام..وردت تكلم شهد... وانت هييي لا تطيحين شبس على السرير كافي ريحته..اووف حد ياكل شبس اخر الليل ولااا بالخل بعد شوفي شفايفك شلون صارت بيضه
شهد: والله فكره بنات المنتدى عندهم مشكله في شفايفهن شرايك جمانه نسوي فيهن عرق نخولي ونكتب يحطون خل
الكل: ههههههههههههههههههه
ام صالح: لاجل يدعون عليك دعوه وترتاحين بعدها
شهد: ههههه استغفر الله العظيم هذا الشيطان هو الي يدزني ولاانا عاقله
جمانه: انتي عاقله والله انتي جننتي المرقبات تصدين سمك هاااا
ام صالح: شلون تصيد سمك
شهد وهي تبلع اللقمه وتجاوب بسرعه: كل ما دلخت مكان اشوف الاعضاء اسفل فاعمل لهم قص ولصق ههههههه وبكذا اكون صدت سمك بس حلوه اللعبه والمرقبات ما غير يحذفون مشاركاتي اووووف منهن يعصبون بالواحد ما يخلوه يصيد سمك

...~~~...

مها: اثير تعالي حجرتي
أثير[ شعور غريب داخلي.. والله صعب اواجه ماما وهي العروس..صعب صعـــب.. مشيت ورى ماما وخلعت عباتي وجلست ع السرير وهي خلعت عباتها ..جلست على كرسي التسريحه تنزل حلقها وتمسح وجهها بالتونيك..وانا اعصابي خلاص على محك..راح انفجر بس هذه امي ..ياربي شو هـ الموقف الصعب.. ليش يا ماما ليش تحطيني في هـ الموقف]
ـ أثير
أثير[ ناظرتها واخيرا قررت تتكلم.. بس كانه الموقف انا امها وهي بنتي..يالله غريبه هالدنيا والاغرب البشر الي فيها...ماما امراه بعدها تملك الكثير من مقوامات الجمال..والي يشوفنا يقول عنا خوات.. يمكن لانها ما انجبت غير فحافضت على شبابها اكثر من غيرها.. يمكن.. جلست اتأملها شعرها الي قاصته شلال لنص ظهرها وجسمها الملفوف..وبشرتها البيضه الصافيه وشفايفه الصغيره الورديه وعيونها العسليه..كل شي حلو فيها.. يمكن شافها طلال واعجب فيها.. ليش احرمها حقها الشريع..هي بعدها صغيره..الفرق سنه بينها وبين طلال..تزوجت وعمرها 12 سنه من رجل يكبرها بكثير وتوفي وانا في اللفه..وعاشت مع ضرتها في بيت ولد زوجها.. يالله ما اصعبك يالدنيا.. هي تدور سعادتها وانا وانا وين سعدتي يا ماما انا اريدك تكوني قريبه مني.. دمعتي خلاص راح تنزل انسدحت وحطيت راسي على المخده لاجل ادفن دموعي فيها.. لاجل ماما تاخذ راحتها..]
ـ ليش ساكته
ـ أسمعك يا ماما
ـ أثير انا انا قررت اتزوج
ـ اعتقد تعرفي انه عندي خبر
ـ أثير أنا امك مو كذا تكلمين
جلست وتكلمت بسرعه: شلون تبين اكلمك شلون وانت تتصابي على اخر عمرك
ـ الحين أنا أتصابى وأنا على اخير عمري
قالتها وبدت تبكي
تنهدت وانا العن نفسي شو الكلام الاهبل الي قلته..وقفت ورحت لها لاجل اسلم على راسها..مهما صار المفروض ما اقول الي قلته..بوست راسها وأبعدتني عنها وهي تبكي: ماما انا اسفه ما كان قصدي..والله ما كان قصدي انت حطي نفسك مكاني
مها وهي تبكي: أظن تعرفي انه امي وابوي مطلقين وكل واحد تزوج وكنت خدامه عند زوجت ابوي وتزوجت ابوك لاجل ابعد عن الظلم الي كنت اشوفه وترملت وعمري 14 سنه وما تزوجت لاجل اربيك لاجل ما تمرين ولا تذوقين الي ذقته
جلست عند رجولها وقلت وانا اناظرها: ليتك سويتها قبل كان الموضوع يهون مو الحين ياماما انت عندك بنت المجتمع يقول عليها معلقه ..ماما الناس شو بتقول.. شوفوا هذه تزوجت وعندها بنت مدري وشو سالفتها يا ماما الناس ما ترحم
مها: انا مايهمني كلام الناس يا بنتي انا ابا ارتاح عمري ما ارتحت هي ثلاث سنوات عشتها عند ابوك وبعدها راحت الراحه عني انا مالي مكان بينكم عادل هوالي يصرف عادل هو المسوال عني
أثير: وانا ياماما انا ادفع في البيت وادفع مصروف لاجل محد يذلنا على اللقمه..وبعدين انا قلت لك قبل راتبي يفتح بيت واحسن بيت بس انت الي مو عاجبك الوضع
مها وهي تمسك اكتاف اثير بتوتر: انا وانت ولايه نحتاج رجل نسد ظهرنا عليه.. يا بنتي الزمن تغير والقلوب تغيرت
أثير: الزمن والقلوب تغيرت..انزين شدخل الزواج بالموضوع
مها: افهميني يابنتي افهميني الله يخليك
أثير: لو قلت مني موافقه بتاخذينه
نزلت راسها وتغطى وجهها بشعرها وحرك راسها بايه.. بس مافهمت او يمكن استغبي ..ما ادري شو السالفه..
أثير: ماما جاوبيني بتاخذينه لو كنت معارضه
ـ باخذه يا اثير باااااخذه فهمتي
[..قالتها وهي ترفع راسها وتلم شعرها لورى ووقفت بعدها وفتحت دولابها تتزل لها بجامه .. وقفت وانا اتمنى انها تصرخ وتقولي انا مجبوره اخوك جابرني أي حد المهم تكون مجبوره مو برضاها..دخلت الحمام وانا واقفه مكاني يمكن بعد ما تاخذ لها شاور بتهدا اعصابها وترتاح وتقولي خلاص بظل وياك..دقايق وهي ظاهره ولابسه روب الحمام..وبدت تلبس ملابسها وانا منتظره تقولي شي المهم تتكلم وتقول أي شي... أي شي ..تعبت من الانتظار ..نزلت المنشفه الصغيره من شعرها وبدت تمشطه.. ]
ـ ماما بعدك على رأيك
ـ ما عندي غيره
[ حركت حواجبي بمعنى هذا اخر كلام.. راحت لسريرها وانسدحت..لفيت ظهري وظهرت شباقي قرار وقررت وانا شو بيدي.. انا بنتها مالي سلطه عليها..]

...~~~...

صالح: يا خاله افهميني
أم عذاري: لا وليدي اكثر من كذا ما نرضى
صالح: يا خاله افهميني واسمعني وعقب قرري
أم عذاري: لا والله وبيتنا نتركه ليش الله معطينا بيت وساترنا فيه مثلنا مثل الكثيرن امثالنا
صالح: انزين انا بشتري منكم البيت بيع وشرى وابوي بيبيع لكم الشقه بيع وشرى
محمد: والله يمه لو نحول ازين لنا نروح في مكان محد يعرفنا ولا يعرف ابونا منو ولا اخونا منو
ام عاذري: اخوكم لو يسلم نفسه ازين له بدل ما يخربون الارض الطيبه حسبي الله عليه من ولد
صالح: خلف مو قضيتانا حنا الحين بقضيت البيت
ام عذاري: والله لو رحنا من وين بناكل من وين نصرف.. انا هنا اكوي للناس واخذ الي فيه النصيب..
محمد: واحيان محد يعطيك لين يستلمون رواتبهم
أم عذاري: المهم الناس تعرفنا وتعرف اننا محتاجين ولا جاء احد وزع شي بيفتكرونا لكن لو رحنا للعماره بنموت من الجوع
صالح: مافي احد يموت من الجوع حنا بارض طيبه
ام عذاري: ترى النفس عزيزه يا وليدي.. مااقدر امد يدي واطلب وعيالي بحاجه للي يسد جوعهم
صالح: مو تقولين بنتك بتدخل التمريض..انزين هي بتصرف
ام عذاري وهي تقاطعه: لين تتخرج يصير خير بعدها ما دخلت
صالح وهو يوقف: والله ماادري شقول
أم عذاري وهي توقف وتقاطع كلامه: ما اقول غير الله يرزقك ويعطيك على قد نيتك الطيبه

...~~~...

ابو غسان وهو يجلس جمب بنته: ها لولو شلونك اليوم
ليان: بخير والحمدلله
أبو غسان: شفيك شكلك زعلانه
ليان: ملانه وودي اظهر
أبو غسان: انزين بدلي ملابسك وانا بخرجك
ام غسان وهي ظاهره من المطبخ: على وين العزم
ابو غسان: باخذبها لفه تجين ويانا
ام غسان: لا اصلا انا ظاهره عندي جمعه
ابو غسان بصوت منخفض: هو انت من متى تجلسين بالبيت..هو بس الاسبوع الي طاف لاجل تستقبلين زوار حشى..من كثر ما توجبين بيتنا ماخلي
أم غسان: انت شو تقول
ابو غسان: جالس أكلم بنتي ما اكلمك
ليان [ ابتسمت لبابا وعقبها اخذت العكاز وقمت.. بخليه يمشيني شوي وعقبها بروح لبنات عمي والله اشتقت لهن ]

...~~~...

...~~~...

عند باب المقهى
صالح وهو يكلم البراء الي نزل من سيارته: يارجال وينك ادق عليك وامك تقول نايم مايصحى الحين هذا الي اتفقنا عليه
البراء وهو يضحك: والله البارح جلست على السوني ومانمت بدري وراحت علي نومه
صالح: الله يهديك العب ..بس بعقل مو كل يومك يروح باللعب..نظم وقتك بين اهلك وهوياتك والشباب
البراء: والله انت تتكلم مثل استاذنا
دخلوا المقهى وشاف البراء صالة البلياردو..وابتسم
البراء: صالح تعال نلعب
صالح وهو يقاطعه: يا رجال اعقل خلينا نجلس مع الشباب نسولف..يا اخي ارحم عمرك عيش مثل العالم مو كله لعب في لعب
البراء: انزين يعني نجلس ونسولف مثل الحريم
صالح: ليش هم بس الحريم الي عندهم سوالف
البراء: والله الاستاذ لما نجلس نسولف في الفصل يقول علينا تسولفون مثل الحريم
صالح: يااخي استاذك هذا غبي يعني هو الحين ما يسولف كله يشرح دروس حتى عند خويانه وعند اهله.. لا الانسان لابد انه يسولف
البراء: اجل استاذنا طلع كذاب
ضحك صالح من قلب على ولد عمه: ههههههههه تعال تعال شوف الشباب شلون يسولفون وتعلم بس انت خذ الشي الصح مو كل شي ينقال صح
البراء: انت الحين تظن اني بزر جالس تعلمني
رفع صالح حاجبه الايمن: لا ابد بس كل انسان محتاج لحد يدله ويعلمه ترى لاجل تعيش لازم تتعلم
وصلوا للشباب
محمد: هلا والله بالمعرس
البراء: سوى عمره ما سمع وسلم على اقرب واحد له
عبدالرحمن: يالله بهالمناسبه حسابكم علي اليوم
صالح: اجل بطلب الي بخاطري
منصور: هههههههه ماصدق الثاني وانا بعد
عبدالعزيز اخو عبدالرحمن وعمره مثل عمر البراء بس طبعا مو مثل البراء في طبعه: اجل بما انه اخوي هو الي عازمنا باخذ البراء وبنلعب شوي
البراء: لا والله اعذرني بجلس اسولف شوي
صالح ابتسم لانه يعرف بقلب البراء وده يلعب وختى لما قالها قالها بزعل بس زين محد انتبه


...~~~...

جمانه: يووووه يا لولو من زمان ما شفتك تصدقين اشتقتلك
ليان: يالله اليوم جيتكم وبطول عندكم لين تملون مني وتطردوني
شهد: افااااااا بنت العم حنا نطردك
ليان وهي تضحك: هههههه اسولف تراني
جمانه وهي تنزل المصاص من تحت نقابها وتحط الكأسه على الطاوله: ليان شو سالفة الحادث
شهد تناظر جمانه وتاشر لها وتغمز لها بمعنى ليش تكلمتي
جمانه: عااااادي شهد ليان منا وفينا وبتعلمنا يالله ليان ترى الي فيك لا يقارن بالحاله الي فيني
نزلت ليان عصيرها وهي تقول: امي تعرضني على ولد جارنا زيد
جمانه وهي تشهق: زيد ما غيره
شهد وهي تشهق: هذاك ابو سنون صفره وع وع شنباته توقف عليها نعامه وع وع
البنات: هههههههه
ليان: متى شفتوه إذا انا ماشفته غير يوم الحادث
جمانه: اصلا حنا كل ما جيناكم نشوفه وع والله لونه وسخ شكله ما يتوضىء
ليان: ههههههه شلون لون وسخ
جمانه: يعني بشرته مبين انه ابيض بس كانه مغبر.. وبعدين صالح كل ماجيناكم يقول عمره ما شافه بالمسجد رغم انه المسجد جارهم
شهد والي فضولها راح يذبحها: بالله عليك يا جمانه خلي البنت تكمل سالفتها
ليان: أي سالفه
شهد: سالفة الحادث
ليان: ظهرت من بيتهم لانه هيام راقده وشفتها بالحوش هي واخوها وسمعتهم يقولن انه امي تعرضني واني طرشه وظهرت من بيتهم وانا مب حسابه بعمري وصدمني ولد صغير شكله توه يتعلم سواقه وطلع الاخ زيد يكمل علي ويقول انه سمع صوت البوري وهو داخل بيتهم
جمانه: حسبي الله ونعم الوكيل فيه قوليها وراح تكفيك بإذن الله
ليان: حسبي الله ونعم الوكيل


...~~~...

صالح[رديت من المقهى بسرعه خفت لا البراء يعجبه الحال وينام بالمقهى..لازم أدور له حل ثاني..الله يهديه يحب اللعب حب..هذا شلون اهله زوجوه..بس يمكن يعقل بعد الزواج..والله أزين له..الله يهديه رفع ضغطي..محمد وعابد أعقل منه..دخلت البيت وشفتها في وجهي رديت بسرعه للممر الي عند الباب وظليت واقف عند المدخل..سمعت كلامهن..صدق عصبت الحين امها تعرضها على هذاك الي ما يستاهل حتى اظفار رجولها.. وين عمي وين غسان..ولا بس يبون يفتكون منها..ليان اعرفها من هي صغيره هاديه وجميله والحين احلوت كثير..ليان تشبه عمتي اثير كثير في كل شيء شكل وهدوء..ونعومه ورقه والواحد يحس انه الي قباله بنت مو مثل شهد..ههههه ضحكت بشويش وحطيت يدي على فمي ..شهد رجه الله يصلحها..اصلا كل بنات العائله رجه ما عدا ليان عمتي..وانا احب ليان...ظهرت من البيت وجلست على الدرج..جاء ببالي عذاري مدري ليش..اصلا لوا خذت عذاري عيالي بيتضررون بهذا النسب.. شدخل عذاري بالسالفه..وقفت وانا مصمم أكلم ابوي يخطب لي ليان.. بس قبل لازم أعمل الفحوصات اذا طلعت سليم باخذها..واذا طلعت حامل للمرض وراثي.بكتم على الموضوع..انزين ممكن هي ما تكون حامله لمرض وراثي..يوووه بروح استخير افضلي]

...~~~...

في الصالة الرئيسية في فلة عادل...صوت التلفزيون لا اعلى شي..والمحقق كونان جالس يتعبث في الاغرض يبحث عن المجرم..ورغد مسدوحه على الكنبه
رغد وهي معصبه: ليش اخذتي الريموت من يدي مو عيب
ريماس وهي تجلس: أقول لا يكثر هااااا...وبعدين مو لانكِ تزوجتي تظننين عمرك كبيره
رغد: أنت ليش تعامليني كذا..مو قبل كنا نجلس ونسولف مع بعض
ريماس وهي تحط على قناة نجوم: أقولك اسكتي لاااا اعطيك بالريموت على وجههك
رغد بعناد: لو كنت بنت ابوك ارميه
وما كملت جملتها إلا والريموت على راسها ..وصاحت من الألم..وردت خذت الريموت ورمته على ريماس بس بشويش..ريماس وقفت وبدت تضرب رغد الي تشنجت
الجده وهي ظاهره من المصعد: حسبي الله عليكن ..هيييي اتركي البنت..تركتها ريماس وظلت واقفه تناظر
الجده تقربت من رغد وجلست جمبها على الكنبه وضمتها..وردت تكلم ريماس: ات شفيك انهبلتي
دخلت اثير وهي توها واصله من الشغل واتفاجئت برغد..تقربت بسرعه منهن وهي تقول: يمه شفيها رغد
الجده: هبلوها من كثر الطق
أثير: منو ضربها الحين
الجده: هـ الخبله الي واقفه
أثير: ريماس انت شو سالفتك انهبلتي
تركتهن ريماس ولا كانه صار شي
الجده: يمه أثير ليش تاخرتي
أثير وهي تكذب: كان عندنا شغل كثير

...~~~...

ريناد وهي تدخل حجرة ريماس: ريماس شفيك على رغد
ريماس: مالك خص خليك بحالك
ريناد وهي ترفع اكتافها: ترى الي نشوفه انك غيرانه من رغد
ريماس: ترى ان ماظهرتي بتشوفين شي ما يسرك
ريناد وهي ظاهره: قلت انصحك ابعدي عن رغد وارضي بنصيبك
ظهرت ريناد من حجرة ريماس ودخلت حجرتها ..جلست قبال جهازها وفتحت صفحة الشات..الأخت صارت سوبر واشتغلت تشويت في الناس الي تسب والي تدخل الدين والمذاهب والسياسه..
ريماس وهي تدخل عليها: انت شو تسوين
ريناد: جالسه على النت
ريماس: علميني
ريناد: تعالي سلي عمرك بدل ما تمتحنين رغد في حياتها
ريماس: داخله دردشه
ريناد: مالك خص
ريماس: اجل علميني
ريناد: لا انت خبله خليك في المنتديات احسلك
ريماس: هيييي احترمي عمرك
ريناد: والله انا صادقه ادخلي منتديات واقرئي قصص بدل غيرتك الي ذابحتك
ريماس: هيييي ترى انا ساكته عنك بمزاجي..وبعدين شايفتني نونو تقولين لي اقرائي قصص
ريناد: عيوني القصص الي يكتوبنها ناس اقلامهم قويه ماشاءالله عليهم .. والي يقراؤن ناس اكبر عنك وعني يا ماما انت ذابحه عمرك في هـ الـ غسان الي رفضك روحي سلي عمرك بالقصص افضلك

...~~~...

في سيارة اثير
أثير [ظهرت من عند الدكتوره النفسيه وأنا مرتاحه..رغد مافيها شي هي تصطنع المرض لاجل يتركونها..وخبرتني الدكتوره لانها في فترة انتقال وبلوغ وزواج فطبيعي رغد تبحث عن ملجئ يخلصها من كل الضغوطات النفسيه وهي انها تصطنع المرض..لاجل الكل يهتم فيها ويبعدون عنها العنف..ابتسمت لاجل كذا الأخت كانت تعاند وتعصب لما يخبرونها انهم بيودونها المستشفى..احترت وياها..الحين لازم اتفاهم وياها بهدوء وفي مكان هادئ.. بيتهم مايصلح وبيت احمد بعد مايصلح ..أخاف تشوف جمانه بحالتها..ورغد توها صغيره..إذا انا الكبيره الخوف متملكني.. بس مضطره لاجل جمانه]
ـ عمه شقالت الدكتوره لما خرجتني من عندها
أثير: ابد سلامتك مممم شرايك رغد نروح الكورنيش
رغد: لا نروح الشلال
أثير: مره ثاني الحين تونا ظاهرين من المستشفى وبعدين ورانا سوق وانا اليوم ماخذه اجازه لخاطر عيونك..وتعالي اصلا محتاجين محرم الشباب ما راح يرحمونا اذا شافونا بروحنا
رغد ببراءه: كلمي البراء
أثير والعم محمد: ههههههههه
العم محمد: ايوه بدأت الست رغد تحب
أثير: ههههه حرااااام احرجتها العروس
العم محمد: كلمي البراء يا بنت دي اللفه من أوريبه من هنا
اُثير وهي تدق على البراء: حاضر
البراء وهو يشوف الرقم: هلا عمتي الغاليه.. في المقهى انت وين... خلاص دقايق وحنا عندكم

...~~~...

...~~~...

عذاري: يمه شكله صالح زعل لما رفظتي
أم عذاري: شكله بس انا ما اقدر استغل طيبته أكثر ويكفي الي يسويه ويانا
محمد: يمه صدقيني حنا إلي راح نضرر لو تمينا هنا الكل يعرف منو اوبنا ومنو اخونا
أم عذاري وهي تفكر [صدق محمد وعابد راح يتأذون بسبب أبوهم واخوهم]
أم عذاري: انزين لو كلمني مرةً ثانيه بقوله اني موافقه
عذاري وهي مستانسه: وأنا بقدم على التمريض في مستشفى فقيه وبيعطوني مكافئه وبيوظفوني عندهم.. وبكذا ما راح نحتاج أحد

...~~~...

على الكورنيش فرشوا فرشتين وحده للبنات ووحده للشباب
صالح وهو واقف عند عمته الي جالسه جمب رغد: هلا عمتي شلونك ماتنشافين
أثير: تراني عايشه عندكم
صالح: هههه وانت ما تجين غير الساعه 11 وتجلسين مع البنات بالحجره وتنامين وتروحين العمل وانا ما اشوفك
أثير وهي تعدل جلستها: الحين أنا جالسه ادبش لـ رغد لاجل كذا مني بفاضيه
ابتسم صالح: الله يكون بعونك إلا شلونها العروس
أثير: هههههه لا تحرجها عروستنا ترى زوجها جاي بالبطاطس
صالح: هههههه ما قلت شيء.. بس خاطري أعرف الطلعه هذه فيها إنا صح..ولاا عمرها ماصارت
أثير: تقدر تقول كذا يالله خذ ولد عمك وخلونا بروحنا شوي
البراء وهو يناول عمته صحن بطاطس مقلي عصيرات لهن: تفضلي تبون شي ثاني
أثير: تسلم
صالح: إنزين يمكن يقصد الثانيه
أثير: ههههه حرام عليك البنت بعدها صغيره لا تحرجها
صالح وهو ياخذ البراء: ههه تعال تعال شكلك ميت فرح
تركوهم وظلوا بورحهم
أثير وهي تناول رغد عصيرها: رغد ممكن أسال سوال
رغد [ خفت من تكلمت.. أصلا أنا عارفه عمتي شو تبا مني ..الدكتوره أكيد علمتها انه ما عندي شي. لانها من سالتني بديت اصيح من الخوف واضطرت الدكتوره تخرج عمتي من مكتبها.. وأنا ظليت ماسكه لسانس ما نطقت بحرف لانه ما عندي شي اقوله.. الخجل والخوف والارتباك هو الي اشعر فيهم لي ساعتين..دموعي نزلت غصب عني الحين وبديت اصيح..حسيت بعمتي وهي تحضني..هي الوحيده الي تعتبرني انسانه]
أثير: رغوده حبيبي صارحيني أنا عمتك الي تحبك..صح انا اضربك واهاوشك بس صدقيني انت تهميني كثير.
رغد[ مسحت دموعي وأنا اشهق وتكلمت]
ـ عمه شو قالت لك الدكتوره
أثير: انت اتركيك من كلام الدكتوره الحين خبريني انت شو تونسين
رغد[ مسحت دموعي وخشمي وانا ودي اصرخ من الغصه الي فيني]
أثير: حبيبي رغد شوفي البراء حبوب وخالتك غاليه تحبك اكثر من امك وانت دوم مطيحه عندهم..بس اذا ما تبين البراء كلميني وانا بقولهم السالفه ترى انا ساكته عن موضوعك للين تروحين بيت زوجك وعقب بفجر القنبله على راس امك
رغد: بس انا ما اريد اتزوج
أثير: اسمعيني رغد حبيبي انت الحين لك وضع خاص الناس بدت تتكلم واذا تطلقتي الحين الناس ما راح ترحمك وبعدين ممكن محد يجي يتزوجك
رغد: عاادي انا ما اريد اتزوج
أثير: تقولينها الحين لانك توك صغيره شوفي الضعيه ريماس شلون تغيرت نفسيتها بسبب هـ الموضوع
رغد: انزين انت اكبر عنها ليش ما صرت مثلها
أثير: ومنو قالك انا مو متزوجه ..
رغد انصدمت من الموضوع متى وشلون: متى وشلون ووينه زوجك
اثير: شوفي حبيبي أنا في حكم الغائب عنها زوجها صار لي عشر سنوات وأنا ما اعرف عن زوجي شي
رغد: وينه
أثير: راح يجاهد في الشيشان
أثير: رغد حبيبي انت الحين كبيره وما يحتاج اقولك هالكلام يكون سر
رغد وهي تحلف: والله العظيم ما اقوله لأحد
رغد: انزين وينه
أثير: حبيبي تعرفين انت الحين جالسه تفتحين جروح
رغد: اسفه عمتي
أثير: عادي حبيبي يالله خبرني انت شو تونسين
رغد: انا انا انا بصراحه ما فيني شي
أثير: اعرف حبيبي بس سمعيني حبيبي الكذب ذيله قصير.صدقيني الانسان الصريح القوي الشجاع هو الي ينحب وبعدين خواتك بدو يقولن عليك انك انهبلتي يرضيك هـ الشي
حركة رغد راسها بلا
أثر وهي توقف: حبيبي خليك قويه وواجهي الناس لا تسكتين عن حقك
رغد: على وين عمه
أثير: بروح لصالح وبخلي البراء يجيك يالله استمتعوا بوقتكم زين ترى الفرص ما تجي كثير

...~~~...

صالح: منتي بسهله
أثيرك هههه عاااااد لازم يتعرفون على بعض
صالح: هذيل حافظين بعض
أثير: لا قبل غير والحين غير
صالح: أجل راح تفيديني انا بعد
أثير: شلون
صالح وهو يناظر البحر: بصراحه ودي اخطب ليان
أثير: ليش
صالح: شنو ليش أريد اتزوجها
أثير: انزين ليش اخترت ليان
صالح: بصراحه قبل اسبوع كنت داخل البيت وشفتها وسمعتها تقول انه امها جالسه تعرضها على ولد جارهم اخخخخ لو تشوفينه والله مقزز وريحته كلها دخان وشيشه اصلا والله شواربه تقول انه يحشش..وبعدين انا اعرفه الرجال لاصلاة ولا دين ولا اخلاق وقلت انا اولى وبصراحه انا احسها تناسبني
أثير: سبحان الله يخرج من ظهر الخبيث طيب ويخرج من ظهر الطيب خبيث
صالح وهو متفاجئ: شو مناسبة هـ الكلام
أثير انتبهت لنفسها كانت تظن انها جالسه تقولها بينها وبين نفسها: لا سلامتك بس انا اقصد ليان والفرق بينها وبين امها.. بس تعال انت ما فكرت انه ممكن تكون حالتكم مشابه لحالة غسان وريماس
صالح: ابشرك انا سويت الفحوصات وطلعت النتايج سليمه واذا هي حامله لمرض وراثي فانا ولله الحمد سليم..تعرفين عمه انا فكرت بالموضوع كثير وبعدني ما فاتحت ابوي وامي
أثير: الله يكون بعونك طحت على حماه بجد تقهر
صالح: ههههه وانت الشاطره وينك انت الي تسكتينهم عند حدهم واكيد بتساعديني بالذات في الحركات الرومنسيه مثل الي جمبنا
أثير: هههه لا حبيبي هذيل غير لهم معزه خاصه في قلبي
صالح: افااااا الغاليه وتقولينها في وجهي
أثير: سوري صالح بس رغد والبراء غييير
صالح: اعرف واعرف انه وقوفك الحين جمب جمانه من باب الشفقه مو من باب الحب
أثير وهي متفاجئه: أنت شو تقول
صالح: اقول الي انا شايفه
أثير: وانت شايف اني جالسه اشفق على جمانه
صالح: وجهة نظر واتمنى انك ماتزعلين
أثير: انا بس حابه اذكرك اذا كنت ناسي جمانه انا الي ربيتها يوم كنا ساكنين عندكم
صالح: اذكر انزين ليش تركتوا بيتكن ورحتوا لبيت عمي عادل
أثير: انت على بالك انا غبيه وجالس تسحب مني كلام
صالح: الحين تاكدت انه في سر تخفونه
أثير [كنت خايفه من هـ اليوم صالح كان كبير وعمره 14 والحين عمره 24 أكيد يذكر الي شافه ]
صالح: عمه أنا كل الي اذكره اني كنت راجع من النادي وشفتك جالسه تبكين في الصاله.. وامي مزنه وامي مها وابوي يتهاوشون..ضعت بين هواشهم وبكائك.. عمه انا كنت تونيمراهق ما كان يهمني غير انك جالسه تبكين.. عمه تعرفين شكرثر انا كنت متعلق فيك حتى النادي الي احبه تركته ودخلت النادي الي انت تحبينه وصرت اعشقه لاجلك.. عمه انت علمتيني اشايء كثيره..علمتيني اني اكون صاحب مروءه علمتيني اعطي وما انتظر كلمة شكرا.. صدقيني يوم كنتِ ظاهره من بيتنا واني تبكين حسيت اني راح افتقدك للابد..تعلقت فيك لاجل تاخذيني بس انت ضربتيني وتفلت علي ..انت طلعتي حرتك فيني انا.. انا كنت احبك وما زلت احبك.. بس للأسف انت الي تغيرت وحطيتي حواز كبيره وللحين انت جالسه تبنين فيها..فجئه ابتعدتي عني وسافر عمي خالد ومهند وامجد الكل اختفى فجئه من حياتي.. شو تتوقعين بولد مراهق كان بين عائله وفجئه ما يلاقي احد صدقيني عمه كنت ضايع تعرفين شو معنى ضايع.. مخدرات وجربت ودشره ودشرت ..بس الحمدلله ربي حطني بين شباب وتابوا وتبت وياهم
أثير: بسك ياصالح انت جالسه تفتح في ماضي دفيني جالس تحفر في جروح ما دواها الزمن
صالح: سامحيني يالغاليه سامحيني.. بس كان ودي من زمان اجلس وياك مثل اليوم واعاتبك واصرخ بوجهك.. صدقيني تمنيت انك ترجعين لي مثل قبل..تعامليني مثل ولدك.. تذكرين كانت امي تغار منك لما اجي من المدرسه وادور عليك لاجل اراويك نتايج وشو عطوني في المدرسه..كنت ما اشوف احد غيرك
أثير: صالح شو الي بتوصله
صالح: اريد اعرف النقطه الي ضعت عندها شو سببها..انت تعرفين كم سنه ما تدخلين بيتنا عشر سنوات يعني لولا الله ثم مرض جمانه ولا كان كملتي العمر كله ..تعرفين ليش جمانه رضت تخليك تشوفينها بينما انا وشهد لا.. لانك ربيتيها.. جمانه ما كانت تنام عند امي كانت ظلك كانت تنادي ماما.. وكانت تنادي امي باسمها عبير.. عمه شلون طاوعك قلبك تتركين عيالك..ولا بالاصح الي كانوا يعتبرونك امهم.. عمه انا ما اريد ادخل بينك وبين ابوي.. انتم خوان.. بس حنا شو ذنبنا ليش دخلتونا بالسالفه.. اشوفك غير الحين تكرهين لبنه وتحبين بنتها ليش ما سويتي كذا ويانا ليــــــش
أثير: صالح انسى الماضي
صالح: ما اقدر انسى الماضي الجميل
أثير: لا تنسى ماضيك الجميل وانا بعد احن له س لاتفتح جروح

...~~~...

مشكووووووووووووووووووووره على القصه



الصرااااحه طويله يبغلهاااا وقت فااااااااااااااااااااااضي

تحيااااااتي لك الكنق